أنا بنت عندي 17 سنة.. اتخطبت مرة لابن خالتي، هو إنسان طيب جداً وحنون أوي؛ بس جينا في آخر فترة والتفاهم بقى صعب جداً بسبب إنه بيمشي وراء كلام مامته، وهي الكبيرة ولازم أي حاجة تعدّي عليها؛ الصغيرة قبل الكبيرة. انفصلنا لمدة 4 شهور، وبعد كده كلمني تاني وقال لي أنا تعبان، ومش قادر أعيش من غيرك، رجعت له بس ما بيننا؛ بس قلت له نتخطب تاني، قال لي لا ماما مش موافقة تيجي تاني غير لما باباكِ يعتذر لينا، وكمان أخلّص شقتي، قلت له الكلام ده مش ينفعني، قال لي ده كل اللي عندي، وقفلنا مع بعض. بعدها بيومين كلّم ماما وقال لها أنا بحبها وعايزها؛ بس عايز أقعد معاكِ نتكلم ونحدّد ميعاد بعدها بيوم، وقال لها هاتصل أديكي الميعاد.. ما اتصلش لحد دلوقتي. أنا مش عارفة أعمل إيه ولا أتصرف إزاي؛ مع العلم إن أنا كمان بحبه؛ بس كرامتي ما تسمحليش أكمّل بالطريقة دي.. أنا مش عارفة أفكر.. أرجوكم ساعدوني، أعمل إيه؟ وآسفة جداً إن أنا أخذت من وقتكم كتير.. شكراً. Girl.moon