ابن خالتي بقاله أكتر من سنيتن كل ما يشوفني يقول لي بحبك، وأنا مش باخده بجدية لأن فيه حاجات كتير مش تخليني أوافق عليه، وكمان هو مش كان كويس، وبيعرف بنات كتير. بس من أسبوعين كنت عندهم في البلد لقيت كلامه اتغير كتير، يعني لما بيتكلم عن الخطوبة أو كده ساعات يقول إني بحبك وأتمنى لك واحد أحسن مني، وساعات تانية يقول بحبك وهاخطبك. أنا مش عارفة بجد بيحبني ولا لأ؛ بس أنا لما بابقي جنبه باحس إني بحبه أوي؛ بس لما أبعد بانسى. أنا بجد محتارة أوي.. يا ريت تساعدوني لأني بجد محتاجة لكم، وأنا آسفة إني طوّلت عليكم.. مستنية الرد في أسرع وقت وشكراً. safey