السلام عليكم ورحمة الله وبركاته.. أنا باشكركم على الموقع الرائع ده، أنا عندي 21 سنة، أنا الحمد لله ما عنديش مشكلة، بس فيه واحد عايز يرتبط بيّ وبيحبني جداً جداً، وأثبت حبه ليّ في أكتر من موقف. لكن أنا مشكلتي معاه إنه ما بيحبش يزعلني أبداً، وما بيقولش رأيه في أي موضوع علشان ما يزعلنيش منه، وأنا باقول له عايزة أعرف رأيك، بس هو بيخاف أزعل، هو عايز يتقدّم رسمي في البيت، مع العلم إني مش مرتبطة بيه عاطفياً، هو صديق للعائلة والأهل عارفينه، بس أنا عايزة يكون له شخصية معايا، ومش عارفة أعمل إيه ممكن تساعدوني.. مصرية