يا حرام يا حرام.. يا حرام ياحرام هو إحنا بقينا كلام في كلام وحأقول لك إيه.. وأعيدلك إيه؟ كان نفسي ياناس خطوة لقُدام الإخوة خدونا شمال ويمين وقالوا لنا مافيش زيِّنا شاطرين وسيبوا لنا الحكم وحَتْشوفوا إزاي الحكم مع الميامين وبدأنا طريق مليان متاهات وخُطب مليانة وعود وآهات ولا شفنا غير التصاريح كالريح وشبعنا هتاف ويَّ مظاهرات وادي كل اللي إحنا ياناس شُفناه مع أزمة في كل طريق مشيناه ووصلنا لفين ما حْنَاش عارفين ضاع كل اللي إحنا بنتمناه الشعب صبور.. ولكنه يثور ساعة مايحس خطر محظور وبيعرف ياخد حقه تمام وبيعزل اللي عليه الدور ربنا يسترها يامصري عليك أنا حافضل أكتب لك وادعيلك وإن حد عداك.. أنا قلبي معاك وبكل حياتي وعمري أفديك