أكد الرئيس عبد الفتاح السيسي، خلال كلمته في إطلاق المشروع القومي لتنمية الأسرة المصرية، أنه لولا فضل الله على مصر لكانت البلد ذهبت مع الدول التى تهدمت، مضيفا: "بدل ما تجيب فيلم الإرهاب والكباب وتجيب المواطن بيشتكى خلى البلد خصم، مخلاش السلبية خصم، انت المفروض تخلى السلبية خصم. وأضاف الرئيس خلال كلمته في تدشين مشروع تنمية الاسرة المصرية: "المواطن اللى مبيشتغلش هو اللى خصم، لما حولت البلد لخصم هدوها، ولولا فضل االله علينا وكرمه لكانت البلد دى زى باقى البلاد اللى انتوا شايفنها ما قامتش تاني ولا رجعت تاني خلاص، واللى يروح.. يروح ميرجعش، لكن هو افاض علينا، طيب بعد أن افاض علينا هنفضل زى ما احنا كده، اقابل ناس في الشارع تقولى انا زعلانة منك، اقولها ليه تقولى عندي 6 عيال اقولها اعمل ايه؟ بس هما ساعات ميجبوش الحاجات دي في التليفزيون، علشان ميزعلوش يعني، اقولها انتي عندك 6 اقولها انا عندي 100 مليون. وتحدث الرئيس عبد الفتاح السيسي، عن الوظائف الجديدة التي تسعى الدولة إلى العمل عليها، قائلآ: "انا عاوز اقولكم على حاجة.. احنا بنتكلم من كام شهر.. علشان عايزين مستوى متقدم اوى في النظم.. علشان بس بقولكم بيتخرج من عندنا 700 ألف طالب جامعي.. انا كلامى كاشف ولا مألوم.. هقولكم حاجة.. قولت الكلام ده من 3 سنين.. من أيام الدكتور ياسر وزير الاتصالات السابق وبنكلمه حاليا.. بنبى فرصة عمل مبنية على النظم.. بقول للمصريين.. المهتمين بالمواطنين ولادكم ومستقبلهم.. الكلام ده والله أن كل الكلام الإصرار والقتال والعمل من أجلك يا مصر.. قسما بالله.. قسما بالله". إقرأ أيضاً: السيسي: معدلات النمو لا تتناسب مع الزيادة السكانية.. وبنعاني من ارتفاع الأسعار الرئيس السيسي: مرتباتنا منخفضة وعايز أدى المواطن 30 ألف جنيه فى الشهر وأضاف الرئيس السيسي، خلال كلمته في إطلاق المشروع القومى لتنمية الأسرة المصرية: "سوق العمل اللى بتكلم عليه.. فيه دولة في مستوي العالم عاوزه مليون وظيفة.. فيه مليون وظيفة.. انا عندى شباب كبير.. 30 ألف دولار للدارس.. انا جاهز.. من أجل دعم هذه الوظائف". قال الرئيس عبد الفتاح السيسي، خلال كلمته في إطلاق المشروع القومي لتنمية الأسرة المصرية" زدنا 14 مليون نسمة، جالي أرقام دخل تكفى هذ النمو ال 14 مليونا ده عجز من الدولة لا.. قدرة الدولة مش متمشية مع قدرة نمو الدولة الاثنين مش زي بعض، لو عندى مصروف ألف جنيه دخلي مش ألف جنيه يبق فيه عجز، انا مش بتكلم في موازنة، عجز القدرة والأداء." و تحدث الرئيس مع أحد المسئولين في بلجيكا عن الناتج المحلي، قائلا: "قولتله عاوز جامعة تدي تعليم كويس وعاوز مدرسة تعمل تعليم كويس، ومش الناس تتخانق علشان تغشش ولادها، علشان تقولى أن ابنى معايا شهادة شغله بقى". والتقط الرئيس عبد الفتاح السيسي، صورة تذكارية مع المشاركين في إطلاق المشروع القومي لتنمية الأسرة المصرية.
