أزيك ياامي وحشاني الحمد لله إنك بخير طمنتيني دا انا من دقيقة برن ع تليفونك قلقتيني دقيقة تاني وكان خلاص طار برج من دماغي المهم انت تمام وسامعك وسمعاني الله أكبرايوة أيوة دي ضحكتك جت نغم ف وداني منحرمش منك ياأمي ياعنيه وتعيش ليه ياست الكل ياحبيبة دي الدنيا كلها بتغني لما بسمع صوتك ولا لسه عاوزة تشوفي وتعرفي عندي غلاوتك يااااااه يا أمي دانت أغلى الغلاوة اللي عندي و قلبي مفيهوش ساكن غير أمي وكلمة وحشتيني لو هقولهالك دي شوية ولو هكتبها في ورقة مش هعرف اكتبها غير لما اكتب وراها ياااا أمي ازيك يا غليه يا أمي عمله ايه وصحتك اخباارها ايه اوع تكوني مفطرتيش طب فطرتي ولالسه فطرتي… طيب فطرتي أيه بس كدا… علبة زباادي طب اوع تكوني ماشربتيش العصير ولا تكوني ماكلتيش م ال فطير حتة بس كلتيها صغيرة ونص كوباية.. طب أنا ايه بتقولي معلش التليفون صوته وطي و لو هتعبك بالكلام سامحيني انت يا ابني ياضناية: كلت وشربت و نمت كويس أيوة كلت ياأمي مية مية وتقلت هدومي مااتخفيش عليه وكل كلامك بتقولوهولي أوامر ليه المهم انتي على صحتك طمنيني هو انا اسأل بسؤال عليكي تجاوبيني بلهفتك بعشرين سؤال عني بتقولي إنك بتاكلي كل حاجة حلوة بس مرة علقم طب ليه ألف سلامة عليكي يا امي ياااه ياامي كل دا عشان بس انا بعيد عنك ربي ميحرمنيش ياا امي منك طب اوع تكوني نسيت العلاج أول مارجع انشاء الله هوديكي تتمشي و تتشمسي ع البلاج دانت الغالية ياااأمي وروحي من غيرك تطير أوع أكون قلقتك ولا تكون رنت تلفوني من نومك صحتك اعذريني وسامحيني انت عارفة معرفش اعيش وابدأ يومي غير لما اتنفس بصوتك يامه ياااحببتي يخليكي ربي ليه وتعيش ياغالية منحرمش منك بيوصلني والله دعاكي يوماتي ليه مستورة دايما خطاوية فى كل حته يقولولي سالكة ومقضية عدي بسلام من غير أذية مرسوم يابني الرضا فيك وعلى وشك اقولهم دا من دعا امي ليه عشت ياامي و ربنا يرضيكي ياست الكل والكليلة وكل ما لية النهردة بس بعيد عنك وبكرة هسافرلك هاجي طاير اقولك وحشتيني وابوس إيدك واقعد ف جنتك تحت رجلك بس ليه طلب عندك خلي بالك ياا امي لحد مااجي من نفسك وسلام عليكي ألف سلام دلوقتي ومتخفيش عليه الله معاية ماتخافي ياامه مع ألف ألف سلامة بس مش هقفل انا السماعة مستنيكي لما انتي اللي تقفلي ف رعاية الله يا امي استودعك ربي