ننفرد بنشر جزء من التحقيقات التى تمت مع الشاب مصطفى أبو المجد 19 سنة بمقر الأمن الوطنى فى عهد الرئيس محمد مرسى والذى اعتقل بسبب أحداث السفارة السورية ،ولاقى كل صنوف التعذيب ،وهذا الشاب من شباب "حازمون" وإليكم نص التحقيقات :- ملحوظة (نص شهادة التعذيب وانتهاكات اللي حصل من الأمن الوطني مش هنقدر نكتبه هنا بس تم توقيع الكشف الطبي علي مصطفي في مركز النديم واثبات انه تم الاعتداء الجنسي عليه وتم استخدام آلة حادة في الاعتداء) اللى حصل ده "قدام السفارة السورية أنا نزلت استنيت لحد الساعة 9 ملقتش اى حد من الأبطال اللى قالوا هيجوا .. روحت لوحدى وكان معايا جواب و علم الثورة السورية مشيت من على الكورنيش وغطيت وشى بالشال .. وأنا ماشى وبعدى الطريق أدام الشارع اللى أدام السفارة لقيت أكثر من أيد بتضربنى على دماغى وبالشلاليت وطبعا دول الأمن المركزى اللى بلغوا حرس الفنادق .. شدونى على الأرض لحد السفارة الأمريكانية وهناك قبلت واحد اسمه حسام بيه أول ماشفنى راح قالى أنت جاى بتعمل إيه يا بن المرة الوسخة .. زعقت بأعلى صوت رديت علي الشتيمة . قالى أنا هربى اهلك وقعد يضرب فيا ضرب مش بيعلم الافاف والشلاليت .. ودخلنى عن حد عقيد قالى أنت إيه اللى جيبك هنا قلتلوا جى اسلم جوا ده لحراس الأمن المركزى للسفارة .. والجواب كان مضمنوه "إياكم أن تقفوا أمامنا يوم 28 لأننا سوف نركلكم اذا فكرتوا فقط الوقوف أمامنا ونحن لم ننسى حق اخواتنا من شباب وبنات الذين سحلتوهم على هذه الأرض وسيأتى اليوم الذى سوف نسحلكم مثل ما تفعلوا انتم وبناء على ذلك قررنا نحن النسور المصرية الغاضبة بإنزال العلم السوري وحرقه أمام اعينكم وسوف نرفع على الاستقلال قالى أنت عارف أنا ممكن البسك قضية إرهابية بسبب الجواب ده زعقتله وقلت أنت مش محترم ومش هكلمك بأدب طول ما أنت قليل الأدب راح ضربنى العسكرى على قفايا وقالى اكلم مع الباشا عدل يلا اتصلوا بالقسم وجابوا بوكس خدنى ووادانى هناك مع العلم ان الظابط بتاع البوكس ده عملنى بمنتهى الأدب واسمه أحمد عبد العظيم على ما اعتقد طبعا أول ما وصلت القسم دخل عليا واحد شايل عصاية وبيخبط بيها على ايده وبيقولى دى تنفع مع اللى زيك رد عليه واحد وقاله ومالها الأيد والثالث قالى انت بقى اللى عملى فيها دكر وجى لحد هنا برجليك دا أنت هيطلع ... امك مردتش لانى عرفت مهما قولت مش حد هيعملنى حلو راح فتح باب الحجز ودخلنى مع ناس غريب جددددددددددددددا مش مجرمين بس اكيد مسجلين خطر وطبعا انتم عارفين الترحيب بتاع الحجز الظابط عملى محضر زى الزفت والتهم الموجه ليا 1 - التعدى على خدمة السفارة اثناء القيام بعمله 2 - محاولة حرق السفارة 3 - تخريب المنشئات العامة. 4- الدعوة اللى التظاهر يوم 28 طبعا انا انكرت كل ده وقولت لا سالنى قالى مين هى النسور المصرية الغاضبة قولتله ده من تاليفى ومافيش حاجة اسمها كده قالى انت ليه جى بشومه .. قلتوا انا جى بيها علشان اساند عليها قالى انت ايه اللى خلاك تعمل كده .. قلت فى اخت ليا اتعرت فى احداث السفارة قالى انت عارف اسمها بالكامل .. كذبت عليه وقلته لا اعرف ان اسمها مريم بس قالى انت هتكدب ياروح امك . راح مدينى على وشى وضرب من اللى مش بيعلم محدش ادانى اى اكل علشان اتسحر قالوا انى هروح بكرة على النيابة وانا قاعد فى القفص قالى مصطفى كمال أبو المجد تعالى هنا روحت حطلى الكلابش وداسلى عليه علشان يوجع ايدى روحت النيابة وهى نيابة عابدين .. نزلت الحجز وقولت للصول ابوس ايدك انا عايز اعمل دقيقة لاهلى محدش يعرف عنى اى حاجة .. قالى طبعا طبعا بس كله بحسابه قولته والله مش معايا ولا مليم انا اتقلبت لما كانوا بيمسكونى قالى طيب يبقى اسكت بقى ياروح امك اتعرضت على النيابة .. والمحقق كان هيموت ويعرف مين اللى انا اللى روحت علشانه وعملت كده ومين اللى كانوا مشاركين. خلصت والمحقق ادالى إخلاء سيبل.
