يا أهل المغنى كفايه مغنى حرام عليكم دماغنا وجعنا كفايه تلاتين سنه ليل ونهار بتغنوا علينا بكلام معسول من غير معنى نيمتونا بطرب كداب ولما غمضنا عنينا سهرتونا ليل طويل عذاب فى عذاب تلاتين سنه ظلام وضباب حرام عليكم يا محترفين المغنى ضحكتوا علينا عيالنا لما قعدوا ع الفيس بوك قولنا عليهم جيل فاشل مش فالحين غير ف لبس الجينز وتيشيرتات كلها رسومات من غير معنى طول الليل قاعدين ع الشات كنا فاكرينهم بيتكلموا مع البنات وبيضيعوا وقت المذاكره من غير معنى أتاريهم كانوا بيقضوا الليل تخطيط 25 يناير يوم تنفيذ التكتيك ضد الفساد والتنكيل بولادنا صدقوا الوعد وقد القول قام الشعب معاهم على طول وقال ثوره ثوره ثوره إنفلت الكبت وفاق الحد وقفوا وقفة رجاله وكل العالم أيد كلمتنا لما الجيش ساند ثورتنا وكان العامل المؤثر فى نجاحنا أستشهد شباب زى الورد تمن غالى لثورتنا أعظم تحيه لكل شهيد ضحى بنفسه من أجل الشعب جدد جوانا مصريتنا وكان التغير فى ميدان التحرير ونجحت بالعزيمه والإراده ثورتنا وقضينا على الفساد ومن عذاب تلاتين سنه إرتاحنا تحيه للشباب وتحيه للشعب وأعظم تحيه لمصريتنا وتحية إجلال وحب لمصر الأم الحبيبه بلدنا