داير كل واحد فينا جوه دايرة.. دايرة الظروف والحاجات اللي كبرنا ولقيناها والدايرة الصغيرة دى عبارة عن واحدة من ملايين الدواير جوه دايرة تانية واحدة محتوية كل الملايين دى من الدواير واسمها المعتاد ..ايه كل كمية الدواير دى ؟؟؟ المهم نادر اوى انك تلاقي حد يحاول يمد رقبته بره دايرته او برا دايرة المعتاد اللي بتتكون من الامر الطبيعى ...والتقليد.... وهي كده..! لو ركزت حواليك هتلاقي كلامى ده متأكد ولان فيه ملايين كتيرة راضيين بدايرتهم الصغيرة وراضيين بالدايرة الكبيرة لا وكمان بيحاولوا بالعافية للوصول للمعتاد ده فالنتيجة ان ناس كتير تعيش وتموت وهي مش باينة... تأثيرها يدوبك كان اد اللي حاولت تعمله في حياتها اما نجوم المجتمع ومش معنى نجوم انى اتمرد و اقول العنب! نجوم المجتمع تمردوا والتمرد بداية النجاح اتمرد علي انه يتساق من الظروف ويفضل يدور في دايرته بلا نهاية اللي يبات فيه يصبح فيه لغاية مايموت من كتر اللف.. .اتمرد واتقدم خطوة بتفكيره عشان يبقي مختلف بس مختلف احسن اصل ممكن يبقي مختلف بس انيل.. زى ادى دهرك للترعة عمر البلهارسيا في جتتك ماترعي في ناس سابت الترعة ونسيتها وناس وجهت ضهرها للترعة وبرضه نزلت الترعة! .انا عايزك تتمرد صح...واوعاك وانت بتتمرد صح تشاور عقول الناس الراضية بدايرتها اصل ساعتها هتحس انك مجنون وهيجبوك ارض ارض وترجع تانى للدايرة بس في وضع لاتحسد عليه يمكن ساعتها اللي مفكرش يتمرد يبقي احسن منك لانه هيبدأ من الصفر مش من تحت الصفر ... وسع افاقك وفكر وخطط وحاول وخلي دايرتك مركز انطلاقك ومتكتفيش... علي اد ما هتاثر علي اد ما هتعيش ويعيش اسمك عارف اقليدس عنده كام سنة النهاردة؟ ولا اصلا مش عارف مين اقليدس..ولا اينشتاين ملوش اي علاقة بقا الراجل دا بالنادى الاهلي عارف مدى تأثيره... لحد فين؟! ثور علي نفسك واختلف حدد هدفك واطلق حماسك "مش بتاعة بيبسي" واختلافك الصح يعيشك طول الدهر..