صحيت من النوم أمبارح و انا سعيدة جدا .. فاليوم موعد ذهابي مع إحدى صديقاتي لشراء مستلزمات رمضان و أولهم فانوس كبير كي أعلقه في الشرفة كما تعودت كل عام المهم وحتى لا أطيل عليكم دخلت كي اغسل وحهي و أتوضئ ، لكن على غير العادة لم احد مياه فناديت بأعلى صوت على البواب ايه يا عم وجيه مفيش ميه ليه ؟ معلش يا أستاذه أصل أحنا بنعمل صيانة في الموتورات و الخزانات علشان رمضان على الأبواب كل سنة و أنتي طيبة و انت طيب يا سيدي اضطريت ان انتظر حتى تعود المياه و جلست انتظر صديقتي .. تأخرت علي حوالي ساعة وانا طبعا مش ساكتة كلمتها أربع خمس مرات على الموبايل ايه يا بنتي انتي فين ؟ انا في الطريق بس السكة زحمة اوي يمكن علشان رمضان قرب كل سنة و انتي طيبة و انتي طيبة يا ستي و اخيرا وصلت و اقترحت علي ان نترك السيارة و ناخد تاكسي تفاديا لمشاكل الزحمة .. فعلا حاولنا التقاط تاكسي حتي لو صناعة سنة الملكة نفرتيتي وبعد فتره انتظار ووجع الرجلين واستنشاق دخانة تكفي لتشغيل ديزل نجحنا و الحمد لله و لما وصلنا أخرجت الفلوس لكي اعطي السائق الاجره المتعارف عليها لقيته بيقولي - لا يا استاذه ناقص 5 جنيه - ليه يا اسطى باشا احنا بنيجي هنا على طول بنفس المبلغ - كل حاجه غلت يا أستاذه كل سنه و انت طيبه دفعتله وانا مجبره طبعا مش ناقصه مشاكل تاني دخلنا الى الماركت الكبير المعروف لشراء احتياجاتنا و ذهلت من كميه الناس المحشورة بداخله والزحام الشديد ، وكأن لا احد في بيته ، كل الناس مجتمعه في هذا المكان ناديت احد العاملين بالماركت - هو في ايه النهاردة الدنيا زحمه أوي كده ليه مع اننا لسه الصبح ؟؟ - لا يا أستاذه احنا كده من اول ما نفتح لغاااية ما نقفل في الفجر اصل رمضان على الابواب كل سنة و انتي طيبة اقسمنا وحلفنا أنا وصديقتي الإقلاع عن قرار شراء الحاجة و تأجيله لوقت آخر .. ولكن قلنا ننزل في حلفاننا المرة دي ارضاءا لطلب والدة صديقتي ، لأنها كلمتها وطلبت منها شراء شوية خضار و لحمه للغداء .. وقفنا عند احد بائعي الخضار و فوجئنا بارتفاع سعر كل حاجه إلى أكثر من الضعف و طبعا السبب معروف .. كل سنه و انت طيب اشترينا المطلوب و دفعنا مثل الباشاوات و لم نقدر أن نتفوه بكلمه .. وعن كمية الشحاذتين الذين قابلناهم في الطريق .. فبين كل شحات و شحات ..... شحات كل واحد يقولك : حاجه لله كل سنة و انتم طيبين الي ان عدنا ولله الحمد الي بيتي لكي تاخذ صديقتي سيارتها التي تركتها عندي .. و اذ بنا نفاجأ بطفلين واقفين على سقف سيارتها اللي لسه جيباها جديدة بالقسط طبعا .. صرخت في وجههم بأعلى صوت - ايه يا بني انت وهو ,, بتعملوا ايه؟ - معلش احنا بنعلق زينه رمضان كل سنة وانتي طيبة و فوجئت بصديقتي بترد عليه و تقوله - مش عايزة ابقى طيبه يا سيدي ايه كل واحد مفيش على لسانه غير الكلمه دي مش عايزه ايقى طيبه قالتها متفرقه وهي تعض على اسنانها من الغيظ حاولت تهدئتها لكني للاسف فشلت اخذت سيارتها و مشت و لا اعرف عنها أي شيء حتى الان فهي رافضه الرد على الموبايل او الخروج من المنزل معترضه على حجه " كل سنه و انت طيب