* كارم عمران ياعم هدى اخلاقك .... استهدا بالله .... ايه بس مالك فى ايه ... ليه زهقان اوى كدا ..... مش طايق نفسك ليه استغفر ربك .... الحياه حلوة .... عندك مشاكل ... كل الناس عندها مشاكل ، حتقولى الغلا والحياه بقت صعبة .... طب ما انت عايش وبتاكل وبتشرب وماموتش من الجوع يعنى ... بتاكل ولا لاء؟؟؟؟ مش مهم بتاكل ايه لو حتى نص رغيف مع حتة جبنة المهم انك كدا اسمك كلت يبقى ماتفتحش بؤك حتقولى بتبهدل فى الموصلات كل يوم وانا رايح الشغل وجى .... طب مش بتروح الشغل مش مهم بقى الخصم اللى بينزل اخر الشهر فى المرتب عن التاخير المهم انك فى الاخر بتوصل شغلك .... احمد ربنا اصلا انك لاقيت شغل ... غيرك مش طايله حتقولى نفسى الاقى شقة اقعد فيها وتكون معقولة وما ادفعش فيها دم قلبى بدل ما انا قاعد فى شقة ايجار جديد واخدة مرتبى كله فيها هقولك مافى شقق الشباب اللى بتنزل دى جميلة اوى قدم فيها وخدلك واحدة .. بس اللحق عشان السماسرة والحبايب بيخدوها وبعد كدا بيبعوها مع ان محظور بيعها ... بس عادى مافيش اى حاجة بتحصل لما بتتباع ... اهى ناس وبتاكل عيش حتقولى الناس بقت وحشة ومش طايقة بعضها .... طب مش هما قدامك كويسين ورسمين على وشوشهم ضحكة ومفهمينك انهم بيخافوا عليك ... هتعقدها ليه بقى ولانت غاوى عقد ... يا اخى ان بعض الظن اثم حتقولى مديرى حاطتنى فى دماغه ومطلع عينى .... ياعم اى مدير كدا عشان يطلع كل الامكانيات اللى جواك عايز يخليك موظف مثالى ... دايما بنكره الخير لنفسنا حتقولى مراتى مزهقانى فى عشتى وخنقانى ومش عارف اتفاهم معاها ... طب ما ربنا مديك رخصة انك تتخلص منها .. طلقها او زهقها فى عيشتها لحد ما تخلعك ماتزعلش منى انا كنت عايز اخرجك من اللى انت فيه ... بس انت فكرتنى بكل اللى انا شايفه وعايشه .... تصدق بالله ... عندك حق ... اووووووووووووف ... استغر الله العظيم