ليكى اهدى تحياتى و دعوه فى كل صلواتى بحبك...اه لكنى بقيت غريب عنك اغيب و ارجع مش طايلك بحبك اه لكنى فى كل افراحى نسيت حزنك بقيت مش ليكى ولا منك طاوعت الهجر و النسيان نسيت قلبك و اديكى كمان طاوعتينى نسيتك و انتى نسيتينى هجرتينى نسيتى الدنيا فى ملامحى و شلتى الضحكة من فرحى فتحتى من جديد جرحى و سبتينى بلاش احسن سيبينا نشوف طريق تانى ندارى فيه جراح هتدوب اكيد هتدوب ماهو اصل الملح فى الميه كمان بيدوب و مهما تزيد فى ملوحتها لكنه بيختفى جواها مبيظهرش و وسط الميه مبيقدرش لا يطلع فوق و يعلاها ولا ينزل و يترسب ولا حتى ينام ع الوش كلامنا خلاص ملوش معنى حاولنا نخبى اوجاعنا انا و انتى لكن برده بقينا نغش بقينا نحط مليون وش عشان نهرب من المكتوب لكنه خلاص بقا واقع مفيش مانع اعيش انا و انتى مِتْبَاعْدِين لكن فى الزحمة نتلاقى و نتقابل كمان صافيين عشان عارفين ان قلوبنا افترقت و ان حياتنا اتقسمت بقينا اتنين هحاول اد ما هحاول و انتى كمان اكيد حاولى نلاقى الفكرة فى القصة و عارف مستحيل ننسى لكن ياما جراح بتفوت و ياما حاجات كتير بتموت و برده تعيش جوانا و لما بنفتكر فيها نلاقيها يادوب كانت امل مفقود