ماشي وفي ايدي قاموس عمال اترجم في النفوس الكل ماشي عمال يدوس والغلبان بقي مدهوس مغمي عنيه وخايف تحت رجلي مش شايف ال جاي زي ال رايح هي نفس المطارح الكل بيبدل اسامي شبهي زي التاني الناس بقت لغات كتير حتي القاموس بقى تفسير احلام كتير جوايا ماتت والعقل خلاص بقي عاتت عايش بحلاوة روح عمال اطيب في الجروح واضحك علي نفسي بوش ضاحك وصوت الدمعه ليها كابت بيحسدوني عشان فرحان وانا فرحي ميت من زمان واديني ماشي بقاموسي ماحلتي غير عزة نفسي هي دي كل فلوسي