صباح الخير صباح النور خارجة النهاردة أيوا إن شاء الله هعمل شوية شوبنج البيت ناقصه حاجات كتيرة طيب أشوفك بالليل مع السلامة ممم مش عارفة ليه بحس بالذنب كل ما البيت يفضى كده بحس اني بدأت أتنفس ضحكة شريرة على وش مَلك ايه الشر اللي أنا فيه ده طيب أحنا هنصبح على الأهل والأحباب و نلف شويه على الفيس بوك و تويتر و بعدين أنزل صفحة فيس بوك صفحة تويتر ياهو ماسنجر هوت ميل جي ميل الموبايل شغال واتس اب .. فرنج .. فايبر أستعنا على الشقا بالله صباح الخير يا جماعة وبدأ سيل الحوار و المناقشات الجادة والهادمة الفيس بوك مالو بئا ممل كده محسسني أنى قاعدة في كازينو على النيل كله بيظبط في كله بجد يخنق خلينا في تويتر صراحة تحس انه أقيم و أخباره فريش أحم ما تهدوا يا جماعة كل دي شتيمة هو لازم لما ننقد حد نشتم لا وأيه كلهم ماشاء الله كتاب و مثقفين وأصحاب مراكز مرموقة أيه القرف ده .. ممل طحن بحركة مفاجئة قفلت اللاب توب وسرحت بأفكارها أيه اللي حصل لنا بعد تواجد الفيس بوك و تويتر في حياتنا بجد هو ليه فوائد رهيبة من ناحية معرفة الاخبار أو القراءة لكبار الكتاب لكن في ازدواجية غريبة بقت عند الناس فوبيا من لا شيء .. نماذج غريبة من البشر الواحد بيشوفها في إختلاف الرأي مالكش الا العنف في الرد والحجر على ارائك وبيعطي الحق لنفسه أنه ينقدك ويعمل نفسه أنه الفهيم الكبير نماذج غريبة بجد زي اللي بيتكلموا على فقر البلد وهما بيصيفوا في فرنسا و تركيا و تعليم البلد المتدني وضرورة عودة مجانية التعليم وهو بيدفع لمدارس أولاده بالدولار .. زي اللي بيعاني من غلاء البنزين وقلة وجوده وهو راكن تحت بيته 4 عربيات ليه وللهانم ولإولاده الإتنين .. زي اللي بيتكلموا على العيب والحرام والليل بيداري ياما عيوب .. زي اللي بيروحو يشربوا الشاي في قهوة بلدي مشهورة في وسط البلد ويقول يا سلام هي دي العيشة الحقيقية وساعة ما الجرسون ما يسمعوش لو نده تطلع الحتة التركي ويقوله خد بالك انت بتكلم مين ده أنا أضيعك برجوازية .. شيزوفرينيا .. عته نفسي محتاج للعلاج الفوري لأ يا جماعة بجد قبل ما تنقد حد وتعمل فيها بتفهم في السياسة والفن والحياة روح بص لنفسك في المرايا و بحلق كده وانت تعرف انت مين ... هتلاقي انك ولا حاجة صراحة يعني ولا انت مؤهل تتكلم في حاجة .. قول رأيك بس متفرضوش ولا تكيل الصاع صاعين لمن يخالفك الرأي صراحة شكلي هرجع لقناة فتافيت ومنتديات عالم حواء أحسن بكتير بلاش وجع قلب الناس دي عندها تلوث فكري بالفعل و حالة فتي مفرطة مش حاجة تفرس ؟؟
