يامصر هانت وبانت كلها كام يوم شفيق هاينجح ويبقى نهاركوا مش باين الثورة مافضلش فيها غير فلول وخصوم لو مش مصدق تعال ع اللجان عاين دول استغلو الغلابه بالترهيب وف سرهم بيقولو الشعب دا بهايم ياناس كفايه جبتو أيوه شفيق وف الاعاده هاينجح وربك العالم معقوله صوتك يصبح كده بالكوم وانته بإيديك تشجع الظالم مصر بتبكى تقول دا مش معقول شعبى هايفضل شعب مش فاهم يامصر هانت وبانت كلها كام يوم شفيق هاينجح ويبقى نهاركوا مش باين الثورة مافضلش فيها غير فلول وخصوم لو مش مصدق تعال ع اللجان عاين الفيلم باين زى شمس الكون إن الحكايه لعب كله جنون واللى بيلعب أصله كان خاين قول للى باع صوته ب100جنيه وخلى دم الشهدا دا غنايم بكره يشوف إبنه ف دمه كده عايم يا شعب عاشق تكون كدا مذلول إشرب فى كاس المر دا دايم عمرك سمعت فى مره شفيق يلعن مبارك ويوصفه ظالم ولا بيلعن إيام الفلول ويقول يامصر جالك العادل يامصر هانت وبانت كلها كام يوم والكل يرجع عبيد كدا مظاليم وسجون هاتفتح أبوابها للفاهم الشكر جانا من قلب تل أبيب وبسرعه قالوا شفيق دا أغلى حبيب وشعب عاشق حاكمه يبقى شديد علشان بيفرح بالخضوع لازم فى شرع مين قولنا ياحكيم رئيس وزارة نظام أصله لسه لئيم بسرعه يصبح رئيس لنا ظالم وبكره يجو وزرا لنا تانين من نفس عجينة الحاكم وبينهم يكون حسين سالم وغالى ويا عم رشيد يعودو من بره بغنايم كل الفلول إتجمعوا علينا حلفوا ماتصبح مصر فى عنينا عاوزينها عزبه يسرقوا خيرها وإحنا خدم عندهم ونقولهم حاضر يامصر ربك سبحانه القادر قادر يغير كل الكون ومين ياغاليه قال علينا نهون وشعب نفسه يحكمه ظالم حتى اللى فاهم خساره عاملى مش فاهم يامصر لازم الكل يعلنها شفيق دا ظالم عمره ما ينولها الا على جثث 50 مليون نموت يامصر عشانك وكله يهون وترجعى يامصر ست الكون والكل يتجمع بشكل مهول ونجرى كلنا نقتل الخاين ويامصر هانت وبانت كلها كام يوم وشفيق بكره فى السجن يتحاكم
