في بلدنا الجميلة اللي لسه مصمم اسميها ام الدنيا بما تحمله كلمه ام من انوثة قبل الامومة ألفاظ غريبة والفاظ مصطنعة بل والفاظ مستوردة والفاظ لسه مش قادر اعرف معناها.. ولكن المهروس في الزحام وسط الناس والكلام في الشوارع والحواري الضيقين والواسعين واي مكان جوه الغالية بلدنا اكيد بيسمع كل يوم كلام ولا هو جاي عربي ولا منه هندى ولا حتى افلاطونى بس الاكيد اننا شعب بيحب الجديد من الكلام .. والنهاردة انا بكتفي بعرض كلمتين وهما"أحا" و"طز" اما عن الاحات وهى جمع ..."أحا" ممكن تسأل مدرس عربي مبيعرفش معناها ولكن ياخده غروره انه ازاى مبيعرفش وبما اننا كلنا عارفين ان كل المصريين بيعرفوا ممكن يكون التفسير من المدرس ان "أحا" تصريفها أح...! ومنعا من ظهور اي روايح احب اقولكم ان كلمة"أحا" ملهاش اي اصل عربي لانها عامية بحتة والجديد انها مش كلمة ابيحة ابدا ولكن لان المصريين طول عمرهم مرفوض يقولوا لاي شيء " لا" او احتج او كلمة اعتراض تحولت لكلمة ابيحة اما عن اصل الكلمة ففي العصر الفاطمى سن قانون بمنع كلمة احتج فكعادة المصرين حورت الكلمة الي "احتا" هروبا من العقاب وبعد قليل منعت ايضا كلمة "احتا" فتحورت الي أحا وايضا هروبا من العقاب حتى تم ألغاء القانون... النهاردة لما تشوف واحد كاتب مقال اسمه"أحا" وقبل ماتقرء سياق الموضوع اول شيء هيتبادر لذهنك انه بنى ادم قليل الادب لكن لا ابدا والله انا كويس اهو كويس خالص بس الظاهر ان فيه صراع فكري قايم بينى وبينك وهو محكوم مابين جرئتى في استخدام اللفظ وتفنيد معناه وبين تسرعك في الحكم والجهل بالمعنى دا غير ان اكيد العنوان جذبك...جذبك ولا لاء ...لاء ازاى ياعم اومال انت جوه ليه دلوقتى؟! لازم نهزم الخوف المتوارث جوانا في اي شيء حتى لو الشيء ده كان كلمة"أحا" اما كلمة طظ فهي الاجمل في قصتها شوف انت لو مديرك وبخك بكلمتين وقولتله "طظ ياسيادة المدير" تعمل حسابك انك تانى يوم هتنام براحتك وهتتخلص من هموم شغلك.. كلمة طظ معناها بالتركى ملح والملح كان معفي من اي ضريبة ايام حكم الاتراك فكان التجار عشان يهربوا من دفع اية ضرايب يقولك طظ حتى استخدمت في التهكم والسخرية علي الاتراك.... يبقي ايه المانع لو قولتلى طز وانا قولتلك أحااا....؟