بقلم : احمد الهادي الواحد خلاص معدش ينفع يقوم الصبح غير علي النكد ده اول ما تصحي الصبح تلاقي الدنيا صلصة في بعضها يقولك ام امين عاملة اعتصام عند بتاع الفول والحاجة انتصار بتشاكل مع اختها عشان ضحكت عليها قالتلها هنشتري قفص طماطم شركة ولم لقت نفسها تقدر تشتريه لوحدها ضحكت عليها وعجزت اختها وقالتلها انا اللي هنقي الاول عشان تخلي اختها تقولها فركش وشيخ البلد فاتح بقالة انزل اقوله عاوز جبنة يديني حلاوة واقوله يا عم مش هي دي الاقي اللي حوليا ياكلوني بالكلام و يقولولي انت هتقاوح مع شيخ البلد كمان انتوا كده يا متعلمين لا عاجبكوا العجب ولا الصيام في رجب مش كفاية الراجل حماكوا من العمدة لم عملتوا عليه ثورة والمفروض ان انا بعد الكلام ده انزل اوطي علي ايده ابوسها يالا عجايب بس اهم حاجة امي اللي قلبها واجعها هي دي اللي ليا واللي تهمني