يا اللي في ميدان التحرير عايزين كفيار و لا فطير علشان المدعو لا مؤاخذة محتاج لمشورة و تنوير هنجيب حله و نحلب تور و هنفتح خط التكفير الطلبات مدفوعة و خالصة و عندي مخالصة و كام تقرير و الدبابير هتقرص فينا يا أختي علينا و ع التغيير كله هيلبس هنا أرآجوز لا و يجوز حتى التحرير يا أخوانا يا أهل الميادين التعلب نايم ف البير مستني ينهش أحلامنا و يعطلنا ع التعمير و الفوضى هتكون قانونية مشروعة ف كل الدساتير علشان نركع تحت الراية و نبقى غواية بدون تفسير شعبنا مش محتاج أغانينا محتاج لينا بكل ضمير خرم أوزون الطبقة الفافي عقلنا صافي بدون تعكير المصري مش لعبة يا ناس ده أحنا أساس عصر التنوير مش هنكون غير فكرة لبكره تبني و تصنع مصر الخير و خريطة بلدي في ضميري مش في عقول رافضة التمصير