شعبنا المصرى الأصيل يلا بينا على التحرير نطمن سيادة المشير والمجلس العسكرى ورتيس الوزرا والجيش الكبير نطمنهم برساله من ميدان التحرير ونقول بصوت واحد الشعب المصرى معاكم بالروح والدم وياكم نفدى مصر حبيبتنا بالغالى والثمين بس من فضلكم يا قاده يا محترمين طمنونا وقولولنا مصر رايحه على فين والثوره إللى أطاحت بنظام مفترى وفاسد بقاله فى الحكم سنين ثورة الشعب المصرى رايحه مع مصر لفين لو شجره فيها فروع مايله معوجه وثمارها نيه أيه المانع نقطعها ونخلص علشان بلدنا منهم تنضف ونعيش فى أمان معاها بحريه وكرامه ونزاهه علشان تنجح ثورة25 يناير بالفعل مش بالتقفيل زى ما وقفتوا معانا نكمل مع بعض المشوار علشان التاريخ يذكرنا ويقول للأجيال إللى جايه أجدادكم أشجع ثوار الجيش والشعب كانوا إيد واحده ضد فلول المجرمين وحضرتك يا حضرة قاضى أحكم على كل جانى سرقنى وسرق بلادى وحرمنى أنا وولادى من حقنا كأدميين تلاتين سنه وأكتر الكل علينا بيتشطر بيغرف من العزبه ويتعنتر وفاكرنا مغفلين رسالة كل الشعب المصرى رساله من قلب ميدان التحرير
