انتقد الفنان محمد صبحي، المرشح الرئاسي حمدين صباحي، لمطالبته المشير عبدالفتاح السيسي بالإعلان عن برنامجه الانتخابي. وقال "صبحي" في مداخلة هاتفية لبرنامج "باختصار" على قناة "المحور"، مساء الاثنين، مع الدكتور معتز عبدالفتاح: "الأخ صباحي الناس تعرف إنه وطني، لكن مينفعش اكعبل اللي جنبي أو ألوثه، علشان اصنع نجاحا، أنا عايز أشوفك أنت هتقول ايه؟ هنقعد نتكلم ونقول برنامج السيسي، برنامج السيسي فين؟، بصراحة لا النخبة ولا المثقفين هيقرأوا برنامج، مش هنضحك على بعض، إحنا بنوصل للبسطاء عن طريق الشاشة، قولي بس رؤيتك للقادم إيه؟". وأضاف: "مش عايزين نختار بعاطفتنا، عايزين نختار بعقلنا، من لديه القدرة لتنفيذ ما يقول، أنا أقدر أقولك أحلام الدنيا، أقدر أقولك برنامج عبقري لمصر، ولكن الآذان بتحب تسمع الأحلام، المرشح بعد ما يكون رئيس الناس هتقوله عملت ايه؟ مش هتقوله برنامجك ايه؟". وقال صبحي، إن المصريين بالخارج وجهوا رسالة للمصريين بالداخل من خلال العدد الكبير اللي شارك في الانتخابات، مفادها: "عيب انزل وشارك مش تقاطع الانتخابات". وأضاف " دايما كنا بنزعل علشان بيتصرف فلوس كتيرة لتصويت المصريين في الخارج لأن العدد اللي كان بينزل كان قليل أوي، ولكن المرة دي الواحد حاسس إن الصوت بقى غالي أوي على البني أدم،". وأضاف أن "تصويت المصريين بالخارج رسالة للغرب إن المصريين هم من يختارون رئيسهم، من غير توجيه من أحد". وتابع: "لازم المصريين يعرفوا إن الكرة بقت في ملعب الشعب، والديمقراطية مش هتيجي في علب توزع علي الناس، ولكنها ممارسة، وفي كل مرة هنبقى أكثر نضجا". ;feature=youtu.be