تحدثت الفنانة لبلبة عن علاقتها بالمخرج عاطف الطيب، وعن دورها في فيلم ضد الحكومة، كما كشفت أنه تم حذف أهم 3 مشاهدلها من الفيلم. اقرأ أيضًا.. لبلبة: والدتي رفضت ابتعادي عن الفن تصريحات لبلبة في ندوتها بمهرجان القاهرة السينمائي وقالت لبلبة خلال ندوة تكريها في مهرجان القاهرة السينمائي بدورته ال 44: أنا اشتغلت مع أستاذ عاطف الطيب وهو مساعد مخرج وكان في معرفة وكان اول فيلم الشيطانة التي احبتني وعملنا سوا 4 أفلام ومفيش دور كان زي التاني والأفلام كلها كانت ناجحة والناس اتبسطت منها . واستكملت: والأستاذ عاطف الطيب طلبني في فيلم ضد الحكومة وكان من إنتاج سعد شلبي واتخضيت وانا كنت بغني للأطفال وبضحك الناس إزاي هطلع في دور سامية المحامية وكلمت الاستاذ عاطف قولتتله انا مش هعرف قالي متخافيش انتي هتبقي مفاجاة في الفيلم ده انتي وابو بكر عزت. لبلبة تكشف موقف بينها وبين عاطف الطيب وتابعت: احنا كنا عاملين ادوار مختلفه وانا كنت متعوده على المخرجين الكوميدي دايمًا لما نخلص الشوت يقولوا الله يسلام هايل ولما كنت بخلص الشوت القي استاذ عاطف مش بيقول اي حاجه وأنا بعمل كل اللي هو عايزه بس مفيش رد فعل منه. وأضافت: تاني يوم برضو ميتكلمش وكنت زعلانه أوي لما روحت البيت قولت لماما الاستاذ عاطف مش مبسوط مني خد مقلب فيا ولما سالتني ليه قولتلها عشان مش بيقولي برافو زي ما انت متعودة قالتلي اطلبيه في التليفون واتصلت بيه رد قالي أيوة قولتله يا استاذ عاطف هو حضرتك راضي عني قالي ليه قولتله عشان بعد ما بخلص الشوت مش بتقولي هايلة قالي مش أنا بقول اللي بعده يبقى خلاص كه مناسب ليا وموافق عليه و قفل واتاريه هو طبعه كده واستكملت: اشتغلت الفيلم وبقيت أسال أحمد ذكي واقوله أنا كنت كويسة يقولي أنتي عملتي شوت عبقري اقوله استاذ عاطف مش بيقول حاجه خالص يرد يقولي معلش هو كده ومشغول. لبلبة: اتحذفلي 3 مشاهد من فيلم ضد الحكومة وكشفت:بعد كده اتعرض الفيلم وخدت اخواتي معايا السينما وكل شوية اقولهم شوفوا المشهد اللي جاي وميطلعش المشهد يمكن أجلوه وتلت مشاهد مهمة جدا ليا لقيتهم اتحذفوا من الفيلم فضلت اعيط ومدير السينما شافني وقالي الفيلم كان هيتمنع لولا أن الاستاذ عاطف شال التلت مشاهد بتوعك دول ومعلش متزعليش. وتابعت: بالصدفة كان في برنامج اسمه تاكسي السعادة أنا كان ليا فقرة فيه ومكنتش عارفة أن استاذ عاطف هيكون موجود فيه ، أول ما شافني استاذ عاطف قالي يا نونيا متزعليش أنا هعوضك بدور أحلى وأمي كانت جنبي قالتي ده بيسرح بيكي وهو سمعها وقال أنا بتكلم بجد وبعدين فأجني الاستاذ رفيق الصباني كان عنده فكرة الفيلم وقالي عليها وأحنا في مهرجان كان. لمزيد من الفن اضغط هنا
