تصدرت الفنانة القديرة عفاف شعيب، محركات بحث جوجل اليوم بعد ظهورها مع الإعلامية ياسمين عز في برنامج كلام الناس المعروض على قناة MBC مصر، كشفت فيها عن تفاصيل كثيرة في حياتها كانت مخفية وحبها الشديد للسينما والأعمال الدرامية، كما أوضحت عن موقفها تجاه الحجاب ومقولة "الست مش ملزمة". اقرأ أيضًا.. عفاف شعيب عن سر أناقتها: ربنا بيحب يشوف نعمه فبصرف واتشيك عفاف شعيب تنفي فكرة خلع الحجاب نفت الفنانة عفاف شعيب فكرة خلعها للحجاب، بعد أن سألتها ياسمين عز "هل فكرتي في خلع الحجاب من قبل" لترد عليها شعيب : "عمري، الحمد لله وربنا يديمها عليا لحد ما أقابله". كما وجهت عفاف شعيب رسالة إلى الفتيات المحجبات قائلة: "لا بد من الاهتمام بالملابس حتى لو كان الحجاب، لازم المحجبة تهتم بنفسها وبشكلها وبلبسها وأناقتها.. مش معنى إنها محجبة تبقى متبهدلة، لازم اللبس يكون منسق". عفاف شعيب تواجه مشكلة بسبب الملابس كشفت عفاف شعيب معاناتها مع الملابس حيث كانت معتادة على نوع معين من الملابس ولكن بسبب مشاكل الاستيراد من الصعب عليها الأن ارتداء هذا النوع قائلة :" في محل أتعامل معه منذ زمن وكنت أشتري منه ملابس كثيرة حتى قبل الحجاب، وكنت أشتري منه كل البدل المستوردة الألماني وغيرها، لكن بعد الاستيراد لما اتقفل بقيت بعاني مش لاقيه الهدوم الألماني اللي متعودة عليها". عفاف شعيب عن الست مش ملزمة: حاجات غريبة عليا استنكرت عفاف شعيب ما شهدته على مواقع السوشيال ميديا خلال الفترة القليلة الماضية، من جدل بشأن مقولة "الست مش ملزمة ترضع طفلها" إلى جانب هل لها أن تطلب من زوجها مقابل مادي لقيامها بإرضاع طفلهما؟. وأوضحت موقفها تجاه الأمر قائلة: "طب فين غريزة الأمومة إذا ماكنش البيبي يرضع من ثدي أمه هيحبها إزاي، لازم يبقى فيه حنان، بس بصراحة حاجات غريبة عليا". وأضافت :" قابلت من فترة ستات فضليات في منتهى الأدب والأخلاق وسنهم صغير، كانوا شافولي حلقة بتتذاع وعبروا عن إعجابهم بيه، سألتهم عن رأيهم عن الست التي تطلب من زوجها ثمن الرضاعة اتضايقوا جدا وثاروا، كلهم كلامهم واحد، واحدة قالتلي أنا بنستمتع وأنا بخدم جوزي". وتابعت عفاف "الرجل له حقوق والست لها حقوق، انتي بتخدمي حياتك عشان تعيش هادية وسعيدة لو قلنا الكلام ده بيوت مصر هتتخرب عشان كده نسبة الطلاق زادت أوي".
