طرح الفنان تامر حسني، اليوم على موقع الفيديوهات الشهير "يوتيوب" أغنية بعنوان "حياتنا" وتجاوزت 50 ألف مشاهدة من قبل جماهيره بأول ساعة من طرحها. اقرأ أيضاً .. أحدث ظهور ل بسمة بوسيل بعد أنباء انفصالها عن تامر حسني الأغنية من كلمات أحمد حسن راؤول، ألحان إسلام زكي، توزيع ومكساچ إلهامي دهيمه وأحمد حسام، ماستر علي فتح الله. كلمات أغنية حياتنا: "في حب يعجزك بدري حب يموتك جواك وإيد تتمد تمسكها تغمي عينيك تقوم خانقاك في وش يبان ملاك طيب في ضهرك يتقلب أبليس في حد بتشتريه غالي وهو قصاد مرايته رخيص وهو قصاد مرايته رخيص حياتنا عبارة عن أشخاص ما بين غاليين وحبة رخاص في ناس بتزود الواحد وناس عايشة بتاخد وخلاص ما بين الصح والمفروض بنتعود على المرفوض في كام واحد في تعبك غاب وكام واحد فضل موجود في حلم بيختفي ويمشي ووقت بيتسرق ببلاش في واحد عاش و مفهمش وواحد عمره لحظة ما عاش بنجري في دايرة مقفولة وأهي قلوبنا أتهرت تعليم ومين ضامن يعيش توهه ويخرج منها قلبه سليم حياتنا عبارة عن أشخاص ما بين غاليين وحبة رخاص في ناس بتزود الواحد وناس عايشة بتاخد وخلاص ما بين الصح والمفروض بنتعود على المرفوض في كام واحد في تعبك غاب وكام واحد فضل موجود". يذكر أن "تامر" قد نشر اليوم عبر حسابه الشخصي بموقع التواصل الاجتماعي "فيسبوك": "جمعة مباركة على الجميع، بما إنكم كل شوية تحطولي صورة عمر و سلمى 2، بتاعة مشهد فين الساعة وتقولولي فين حياتنا وهتجوزك". وأضاف تامر حسني: "تأخير أغنية حياتنا حصل عشان الأغنية فيها أجزاء شبه أحداث الفيلم وأجزاء بتتكلم عن الدنيا وحياتنا بشكل عام، عشان كدا استخدمنا أجزاء منها فقط في فيلم بحبك". وتابع:" المهم بقى بما أنكم عايزينها كاملة روحت المونتاچ وعمرو عاكف مشكور فضى وقته ورجع اشتغل فيها تاني عشان خاطركم، هنزلهالكم كاملة النهاردة الساعة 4.. حياتنا من فيلم بحبك، وقريبًا أغنية هتجوزك كاملة.. طلباتكم أوامر يا عسليات". فيلم "بحبك"، يضم عدد من أبرز النجوم، منهم: هنا الزاهد، هدى المفتي، مدحت إسماعيل، حمدي الميرغني، شهد الشاطر، والفيلم من إنتاج حسام حسني، وتأليف وإخراج تامر حسني، في أولى تجاربه الإخراجية. يذكر أن "تامر" يستعد غداً السبت لإحياء حفل ضخم في الإسكندرية حيث نشر بوستر الحفل عبر حسابه الشخصي على "فيس بوك". قائلًا: "حبايب قلبي طلاب الثانوية العامة بالإسكندرية مستنيكوا يوم 24-9 هنحتفل بنجاحكم ونعمل أحلى حفلة في إسكندرية، في إليكس أرينا، داخل فندق جولدن جويل".
