علق ريكاردو سواريش المدير الفني للأهلي ، على قيادته للأحمر خلال المواجهات الأخيرة ، منذ توليه مهمة قيادة الأهلي يوليو الماضي. اقرأ أيضًا .. مدرب سيراميكا: اللاعبون افتقدوا ل الدوافع أمام الأهلي وقال سواريش بعد فوز الأهلي على سيراميكا اليوم :" أحيي وابارك للاعبين خصوصا صغار السن اقدر اقول دلوقتي أن اللاعيبة بتطور ودلوقتي اكيد جاهزين للمستقبل اكبر من اليوم اللي انضموا لنا انطباعي عن الأهلي بعد شهرين؟ مش لازم انتظر شهرين قبل ماجي انا عارف النادي الأهلي وعارف حجمه الكبير ومتطلباته القوية وفخور بتدريبه ". وواصل خلال المؤتمر الصحفي : "حللت الأهلي قبل قدومي وتوقيعي مع النادي وشاهدت مبارياته القديمة، الفريق فيه لاعبين مميزين وفي رأيي كان في مشكلة في الدفاع مكنش بيدافعوا كويس ، والفريق بدنيا كان بدأ يتعب ولما وصلت في لاعيبة مكنتش في أفضل حالاته مع كثافة مباريات كبيرة عدا مباراة واحدة جهزنا لها في 6 أيام أيضا قبل قدومي في لاعيبة من أطراف الملعب بدأو يتعرضوا للإصابات وحتى ميكيسوني كان مصاب كلهم مصابين تقريبا". وأضاف : " بعد قدومنا الإصابات كملت معانا مثلا محمد شريف وهاني ومنعم وعبدالقادر والسولية . انتوا عارفين الظروف وعارفين قرار الأهلي التاريخي أننا نريح اللاعيبة ، 7 لاعيبة ثم ديانج وهاني وإصابات أخرى. وأيضا متولي وعبدالمنعم في مباريات مقدروش يلعبوا للإصابات ، كان في أوقات بنلعب ب15 و16 لاعب واللاعيبة الصغيرة". وأكمل "انا بفخر جدا بهذه التجربة ، ووافقت ع اللاعبين الصغيرين ييجوا وادربهم لأنهم وانا عارف الأهلي لا يغفر النتائج السلبية لكن الإصابات كانت هتزيد ومع ذلك وافقت للأهلي يرجع لمستواه الخطيب، اتفق معايا أننا بنجهز الموسم المقبل . كنت عارف اني هتعرض لانتقادات . بقرأ بعض الحاجات بتبقى أكاذيب وانا مش فاضي اقرأ حاجة بس في حاجات بتتحكيلي اوقات. وانا مش هكذب حاجة معينة 14 مباراة قبلي حصل على 26 نقطة بلاعيبة تمثل الأهلي سجل 26 هدف واستقبل 14 احنا في 14 مباراة نفس النقاط سجلنا 18 هدف . واستقبلنا في الدوري 3 أهداف لكن أنا لعبت بلاعبين سنهم صغير يستحقوا التحية آخر مباراة لك اليوم مع الأهلي تعليقك على ما تردد؟ ليه اخر مباراة؟! ممكن تبقى آخر مباراة في الموسم لكن هنبدا الموسم اللي بعده بشكل طبيعي بشكر الجمهور على رسائلهم وبتقبل الانتقادات لكن برفض الأكاذيب كنت سعيد بفريقي اليوم وهو بيلعب كرة. ومشينا خطوات ومراحل من الحالة الدفاعية ثم الهجومية وسعيد بتطور اللاعبين ميدو وغريب وكريم وكلهم. اللاعيبة الصغيرة جاهزين يمثلوا الأهلي؟ . واختتم :" انا صريح مع اللاعيبة وقولت لهم ولا واحد فيهم جاهز يمثل الأهلي . قولتلهم في المستقبل هتكونوا أفضل انا مش هعلق على اي حاجة. . البلد فيها اكبر من 100 مليون مينفعش اعلق على الحاجات دي لازم اروح أمرن الفريق ، كل الأندية اللي روحتها عملت فيها شغل كويس مكنتش لاعب كبير لكني بدأت التدريب من أقل حاجة لحد موصلت هنا وعارف انا ليه وصلت هنا لأني عملت شغلي كويس اللي اقدر اقوله انا جاهز الموسم القادم انا موظف في الأهلي وسعيد هنا ، فخر لي اقول انا مدرب الأهلي. وحقق الأهلي فوزًا عريضًا على سيراميكا برباعية نظيفة في مواجهة الجولة 34 والأخيرة للدوري مساء اليوم الثلاثاء. طالع أخبار الرياضة ب"الوفد" من هنا ..
