اشتعلت السوشيال ميديا خلال الساعات الأخيرة، بعد تداول أحد الأشخاص تدوينة "القايمة سقطت" وهي إلغاء قائمة الزواج، وتباينت ردود الفعل حول الخبر الذي انتشر في دقائق قليلة، البعض يعترض على الفكرة معتبرين أنها ضغط هائل على العريس من حيث الالتزامات المادية، وآخرين سخروا من الأمر واعتبروه مجرد مزحة، بينما أعرب عدد من السيدات عبر فيسبوك عن سعادتهم بالتدوينة. اقرأ ايضا : موقع وتوقيت سقوط الصاروخ الصيني الخارج عن السيطرة بداية القايمة سقطت وبدأ الأمر عندما نشر حساب باسم إسلام عبدالمقصود، قال فيه : "ألف مبروك يا رجالة القايمة سقطت في مصر"، ولم يكشف عن مصدر المعلومة، التي انتشرت مثل النار في الهشيم، وقال حساب باسم مي : " معلش يا جماعة قبل ما الرجالة تفرح بموضوع إلغاء القايمة ده، هل حضرتك مدرك أن إسقاط القايمة معناه إن العروسة هتروح بيتك بشنطة هدومها وبس اللي انت هتكون مشتريها برضوا لأنها عليك، هل حضرتك مدرك إنك مش هتجيب شقة وخشب بس لا هتجيب شقة وخشب وأجهزة وفرش ومطبخ ومستلزمات المطبخ من الالف للياء، يعني انت ك شاب مصري دخلك 1500/2000 جنيه في الشهر، ويوم ما تقول ده انا باخد مرتب كبير بيكون من 2000 ل3500، هتعرف تعمل كل ده من المرتب ده ؟!!!". القايمة شايله عنكم بلاوي وأضافت : "قبل ما نفرح نفكر يا جماعة و القايمة اللي مزعلاكم دي شايلة عنكم بلاوي كتير، إحنا نلغي الجواز عشان حواراته كترت، اللطم ع الخيبة و الويبة ". وعلق حساب أخر لفتاة، قالت : "أنا مع الغاء القايمة جدًا، والزوج يجهز الشقة كلها بما يتناسب معايا ومع قدري ويديني مهر انا ارتضيه، أما على قد مقدرته وأهم حاجة الحب لو هنتجوز على حصيرة " . هعمل جمعية واجيب البايركس وسخر شاب عبر حساب باسم أحمد قائلا:" الحمد لله يا شباب انا لسه جايب حلتين تيفال انما اي شغل عالي ربنا يوفقني، والجمعية اللي جاية اجيب طقم البايركس وأكمل باقي جهازي قريب"، وقال آخر مازحا: " أنا كدا كدا في الجهاز بتاعي مش هجيب فوط علشان بنشف وشي في الستارة " . وقالت فتاة ممازحة : " دلوقتي مش هنسمع حد فيكم بيقول الشرع محلل 4 " . تسجيل القايمة ضمان للطرفين قال عبد العزيز حسين المحامي، وعضو اتحاد المحامين العرب، إنه لم يتم إلغاء قائمة المنقولات الزوجية "القايمة"، لافتًا إلى تقديم مقترح لتوثيق قائمة المنقولات فى الشهر العقارى وإثبات ذلك فى وثيقة الزواج (القسيمة)؛ لضمان حق الزوجة إذا ضاعت القايمة، و منع الدخول فى لغط (قايمة المثل) و ضياع الحقوق. وأضاف المحامي، أن تسجيل القايمة، يضمن أيضًا حق الزوج بعدم التجنى عليه بقائمة أخرى خلاف التى وقع عليها أو التى وقع عليها على بياض، مشيرًا إلى أن التوثيق للقائمة ضمان للطرفين و ينهى كثير من المشكلات القانونية و النزاعات عند الخلاف بين الطرفين، وحتى الآن لم يتم البت فى هذا المقترح. ولفت إلى أنه، حتى الآن تظل القايمة كما هى عقد من عقود الأمانة كوديعة لدى الزوج، و فى حالة تبديد المنقولات من الزوج، يتم عقابه بنص المادة (341 من قانون العقوبات) - أى الحبس حتى 3 سنوات.
