وجه الرئيس عبد الفتاح السيسي ، الشكر للقوات المسلحة التي استطاعت مواجهة الإرهاب والتخلف والتردي . اقرأ أيضًا.. السيسي يفتتح اليوم مشروع مستقبل مصر للإنتاج الزراعي وقال "السيسي" خلال كلمته في افتتاح مشروع مستقبل مصر للإنتاج الزراعي، اليوم السبت، إنه "والله العظيم تلاتة هذا فضل كبير من ربنا سبحانه وتعالى للى ميعرفش، أن ربنا يساعدنا نعمل ده ونتحرك فيه من سنتين علشان نعمله، شوفوا توشكى اللى كان وقفها قبل كده مش عيب في الاختيار ولا عيب في التخطيط، لكن عدم القدرة على التنفيذ، وأنا هنا يا محمد يا زكي بسجل ليكم وقدام المصريين كلكم أن الجيش في مصر مش حارب الإرهاب، الجيش في مصر حارب التخلف والتردي وعدم القدرة للدولة مع المستثمرين ورجال الأعمال جنبا الى جنب، بقوله ليكم يا إيهاب هنا ممكن تكون الهيئة الهندسية أشرفت على مشاريع بالمليارات ولا التريليونات علشان ننجز ده مع دولة بتنمو 2 مليون على الأقل في السنة من البشر، يعني زادوا 20 مليون في عشر سنين، لو مقدرناش نسبق زيادة السكان هيفضل فيه فجوة وعدم الإحساس بان الدولة قادرة على العمل". ووجه الرئيس بعرض الخريطة الخاصة باستصلاح 800 ألف فدان بالدلتا الجديدة عبر الجرائد ووسائل الإعلام، قائلا: "يا ريت الخريطة دى تنزل في الإعلام كله والجرائد علشان تشوفه تزرع 2 مليون فدان تكلفتها 160 مليار جنيه، ولو مكنتش المحطات دي بتيجي من الخارج كانت في ظروف سلاسل التوريد دلوقتي"، قائلا :"يا جماعة فيه فرص لأن كل المحطات دي هتحتاج قطع غيار وصيانة وإحلال على مدى خدمتها، وبالتالي هيعمل جهد مستقر وسوق دائم ليه، لأن المحطات دي موجودة في توشكى وسيناء بتتكلموا في مشروعات زراعة تصل الى 500 مليار جنيه حتى الآن، فيه دول تانية المطرة بتنزل بتزرع". وقال الرئيس السيسي: "خايف أن إحنا نبقا جاحدين للى ربنا عملهونا.. خايف أنه هو يسلط علينا اأنفسنا فندمر، مستشهدا بقوله تعالى: "أمرنا مترفيها ففسقوا فيها"، وعقب قائلا: "خايف من كتر الجهل وعدم الوعي نخرب ده". يشار إلى أن مشروع مستقبل مصر يساهم فى مواجهة التحديات الطارئة التى نتجت عن التغيرات الاقليمية والعالمية، وذلك فى ظل اعتماد مصرى كامل على عملية الاستيراد فى مجال الحبوب وبنسب متفاوتة فى كل سلعة، وذلك قبل أن تتحرك الدولة فى مسار مشروع مستقبل مصر وتوشكى وغيرها من المشاريع العاملة فى القطاع الزراعى، والتى ستقلل نسبة العجز بنسبة كبيرة للغاية. ومن المتوقع أن تنتهى عملية استيراد السكر بحلول عام 2024، بالإضافة لسلع أخرى ستقل تدريجيا ومنها نسبة كبيرة سيتم الاكتفاء الذاتى فيها بحلول عام 2024.
