علق الإعلامي "جابر القرموطي" على هبوط البورصة إلى أدنى مستويتها منذ ثلاثة أشهر، قائلا:" قولنا 100 مرة يا سيادة الريس محتاج مستشار اقتصادي محترم السيد رئيس الحكومة مش نافع، وحكومته مش نافعة، وإدارته الاقتصادية مش نافعة، البلد بتقع ومش ناقصة مصايب أكتر من اللي فيها". وتابع القرموطي، في برنامجه مانشيت،على قناة "أون تي في" مساء اليوم الإثنين:" سيادة الرئيس نقيلك مستشار اقتصادي، هاتلك مرشد اقتصادي، اعمل أي حاجة البلد بتقع وأنت مش هنا، أنت الموضوع الاقتصادي مش في دماغك، ليه متعمد تبوظ الدنيا أكتر ماهي بايظة، أنت مستلم البلد وهي متهالكة ، يعني أنت ناوي تدمرها خالص". واستطرد كلامه" أنت مش نافع معاك لا مستشار اقتصادي ولا مستشار سياسي، ولا مستشار حقوق إنسان، ولانافع معاك أي حاجة خالص، ياعم نبوس إيديك عين مستشار اقتصادي بيفهم حتى لو كان من الحرية والعدالة، بلاش العك ده". شاهد الفيديو: