توقعت بسنت مصطفى، خبيرة الأبراج، أن تهدأ حدة فيروس كورونا خلال شهرين أو أقل لكن سيعود بشكل أسوأ بعد ذلك بحيث ستستمر المعاناة حتى ديسمبر 2020. حيث قالت في مداخلة هاتفية مع عمرو أديب برنامج الحكاية قناة mbc مصر: "أتمنى موضوع فيروس كورونا هو اللى يفضل معانا لآخر السنة، لكن احتمال موضوع كورونا يهدى وممكن نشوف شهر ونصف أو شهرين الأجواء هادئة، وفجأة الموضوع يظهر بشكل أسوأ من الأول، علشان كدة بقول منطمنش، وبؤكد أن العالم كله هيفضل مشغول بفيروس كورونا لحد شهر ديسمبر، وأعتقد أن سنة 2020 هتخلص بنهاية شهر ديسمبر، لكن بعد كده هتحصل مفاجآت كتير، لأن كل اللي حصل ده هو وجود الكواكب في برج الجدى". تلك التصريحات التي كانت بالأمس أدت إلى جدل على موقع التواصل الاجتماعي "تويتر"، حيث نشوى مصطفى كتبت "في مداخلة هاتفية مع عمرو أديب قالت بسنت يوسف؛احتمال موضوع فيروس كورونا يهدى شهر ونصف أو شهرين وفجأة يظهر بشكل أسوأ من الأول، وأن العالم سيظل منشغلا بهذه الأزمة لنهاية 2020 ، وأن ما بعد كورونا سيكون أصعب ويستهدف جهاز المناعة مباشرة وأن العالم لن يعود لحياته الطبيعية مرة أخرى". محمد أبن عوف "بسنت يوسف صاحبة التوقعات الصحيحة في انهيار اقتصاد العالم ووجود كارثه عالمية في 2020 وكانت قايله كل حاجة بالمواعيد والترتيب في 2019 مع عمرو أديب، ظهرت تاني مع عمرو أديب وبتقول أن الكورونا ليست آخر المفاجات. والعالم هيلبس في كارثة اخري وحياه البشر لن تعود كما كانت". كمال نجار كتب "عمرو اديب جايب واحده اسمها بسنت يوسف في يناير الماضي كانت معاه في البرنامج وتوقعت بلاء كبير ( وقد حدث بالفعل كوفيد 19 ) والجميل في الموضوع انها قالت اليوم هناك مصيبه اكبر من كورونا ستحدث يوم 21 ديسمبر وبعدها العالم كله هايتغير كذب المنجمون ولو صدقوا". مغردة أخرى كتبت "عمرو اديب بلاش بسنت يوسف تاني"، أمنية كتبت "خبيرة الفلك بسنت يوسف بتقولكم اللي فات حماده واللي جاي حماده تاني خالص". أما حساب باسم تولجو فقال "بسنت يوسف خبيرة التارو اللى بثق فيها جدا جدا :وضع مصر مع الكورونا مطمئن، احتمال المطارات تتفتح بشكل جزئي، الكورونا هتهدى شوية والدنيا هتتحسن شهرين تلاتة وبعد كدة هييجي موجة أسؤا منه، مكملين مع الكورونا حتى 20 ديسمبر 2020". أسماء كتبت "بسنت يوسف خبيره الفلك بتقول كلام يخض مع عمرو اديب دلوقتي مع العلم انها توقعت كل اللي حصل ده فاول السنه". مغردة أخرى اختلفت مع بسنت يوسف وقال "وَمَا كَانَ اللَّهُ لِيُطْلِعَكُمْ عَلَى الْغَيْبِ ﴿179 آل عمران﴾". أما محمود فقال "بسنت يوسف بتقول نفس الكلام كل سنه في نفس البرنامج و عشان المره دي الكلام ماشي مع الموضوع افتكرناها ، ارجعوا للفيديو هتلاقيها مقلتش حاجه غير كلام عام يمشي علي اي حاجه او بمعني اصح مقالتش غير هري ، وحاليا طالعه تركب عالموجه كذب المنجمون ولو صدقوا"