طالب الرئيس عبدالفتاح السيسي، بحل أزمة التعدي على أراضي الدولة، قائلا :" في محور اسمه أم زغيوي، كان اللواء كامل بيتكلم معايا في مشروع .. إن احنا نوسع محور 26 يوليو قولتله عندكم محور تاني نعمله ونعمل محور تاني موازي ليه ينهي التعدي على كينج مريوط". وأوضح "السيسي"، خلال كلمته في افتتاحية مشروع ال 1300 صوبة زراعية، اليوم السبت، " ده معناه ايه .. إن المحافظ وكل المعنيين بالدولة إن موضوع تقنين الأراضي المستردة من كينج مريوط متتعملش إلا لما تتعرض عليا لأن أنا هرجع بحيرات مصر تاني زي ما كانت، والناس التي أصبحت متواجدة هناك يتعرض عليا موضوعهم ولا يقنن الوضع في الأراضي المتعدي عليها على كينج مريوط إلا بعض العرض عليا.. ويتعمل المحور الموازي ل26 يوليو ومحور أم زغيوي، ويقطع الحد الخلفي للتعدي على كينج مريوط". وأضاف : "الأراضي اللي اتخدت ديه ..اللي احنا هنقبل أن يتم التقنين لها .. هنأخذ الفلوس بتاعتها كاش، واللي معهوش ميلزموش، هاخد الفلوس كاش ..أنا مش هعمل محور يكلفني 2 أو 3 مليار جنيه وحضرتك تستفيد منه وأنت واخد أرض متعدي عليها... الكلام ده في مصر انتهى، والله المفروض ما في محافظ يسيب متر أرض لحد، الأراضي اللي بيتم التعدي عليها". وأكد الرئيس ، أنه ضد الفوضى والإهمال ولست ضد أحد، قائلا :" اوعى حد يتصور اني ضد حد .. لا والله أنا ضد الفوضى والإهمال واللا دولة. والله كل الناس اللي في مصر أهلي وحبايبي واخواتي، ولكن المخالفين بينفذوا اللي عايزينه في الدولة وهذا خطأ.. ولا يليق بنا .. وامال احنا قاعدين بنعمل ايه ..كل الناس أهلي وحبايبي وإخواتي، اسمعوها مني الناس بتعمل في الدولة اللي هي عايزاه". شاهد الفيديو..