شنت الناشطة السياسية نوارة نجم حملة ضارية على المجلس العسكرى، مشيرة إلى أنه المتسبب فيما حدث برفح المصرية أمس الأحد وتسبب فى مقتل 16 مجندا. قالت نجم عبر تغريدة لها على "تويتر" اليوم الاثنين: "إسرائيل مالهاش دعوة، أنا مش شايفة حد مجرم ومسئول عن دم اللى ماتوا إلا المجلس العسكري، اسرائيل حذرت المجلس العسكري أن فيه عمليات، وسحبت رعاياها، ولما دخلوا لها قتلتهم، دول ناقص ييجوا يلموا لنا الزبالة". وأشارت نجم إلى تورط المخابرات المصرية كذلك، قائلة: "أنا مش شايفة إن الموضوع فيه مؤامرة ولا نيلة، لو حد عامل مؤامرة يبقى المخابرات بتاعتنا والمجلس العسكري عرفوا المعلومات وطنشوا". وأكدت أن الهدف من الحادث هو غلق المعابر قائلة: "مافيش مؤامرة شايفاها قدامي غير ان المجلس العسكري عايز يقفل المعبر وعايز يسكع مرسي على قفاه فلما المخابرات العالمية بلغوه طنش، وعادي بالنسبة للمجلس العسكري المجندين والظباط كلهم يموتوا في داهية عشان هو بيتصارع على السلطة مع مرسي، إحنا كلنا نموت عشان يفضل في السلطة".