فور إعلان خبر مقتل قيادات من نظام الرئيس السورى بشار الأسد على رأسهم وزير الدفاع العماد داود راجحة فى هجوم استهدف مبنى الأمن القومى بدمشق خلال اجتماع وزراء وعدد من الأجهزة الأمنية، استخدم نشطاء مصريون "هاش تاج" بعنوان "نصيحة المصريين للسوريين"، سردوا خلاله أهم النصائح والعقبات التى واجهت الثورة المصرية حتى لا يتهاونون بها. وتوالت التعليقات الساخرة عبر ال"هاش تاج" ومنها تعليق هاجر خليل والذى قالت فيه: "اوعوا يضحكوا عليكم وتفرحوا بالانتخابات.. الدستور أولا"، وأضافت حبيبة حلمى: "الطرف التالت لو جالكم إعارة فجروه"، وقال أحمد أنور: "اللى تسمعوه بيهتف اللى يحب سوريا ميخربش سوريا، علقوه من رجله على الدانة"، وأضاف أحمد هيثم: "خلوا البرادعي رئيس وخدونا نعيش معاكم والنبى". وقال إيهاب حسنين: "تخلصوا من المجلس العسكرى لبشار وطبقوا قانون الغدر علي كل القيادات"، وأضاف محمد جاد: "اللى يجيبلكم سيرة عجلة الانتاج اقتلوه فورا ده عاوز يخرب بيوتكم"، وأضافت رشا سيد: "اوعوا حد يضحك عليكم ويقولكم محاكمات وتحقيق وكلام فاضى، ادبحوا على طول"، وقالت أسراء محفوظ: "لو عندكم محكمة دستورية اقفلوها من دلوقتى، واللى يقولكم يد واحده ..علقوه على باب زويلة". ومن جانبه، قال أسامة عادل: "فجروا ماسبيرو اللى عندكم واى حاجه فيها فينيقيين(زى الفراعين)"، وأضاف محمود سالم:"كل الوزراء اللي خدموا مع بشار تخلصوا عليهم لاحسن يطلع لكم الفشيق بتاعكم ويقولكم أنا مش هعيد انتاج النظام السابق"، وأضاف أحمد عبد العليم: "خلّوا الثورة تركب نفسها بنفسها ومحدش يركبها غيركم". وعن من يحسب على النظام القديم، قال محمود بدر : "اللي يقولكم مش هترشح لرئاسة الجمهورية اعتقلوه لحد ما الانتخابات تخلص.. بدل ما يضحك عليكم ويدخل برضه"، وأضاف عمر العطار: "كوّشوا على المواطنين الشرفاء من دلوقتى عشان ميطلعوش عينكم"، وقال يوسف فاروق: "لا تعطوا النظام فرصة لالتقاط الانفاس, وعليكم بتطبيق قانون العزل من الحياة الدنيا لكل من ساعد النظام". وفى السياق نفسه، قال محمد وحيد: "ابعدوا عن ميدان روكسى والمنصة ولو عندكم عمرو مصطفى خلصوا عليه"، وقالت شيرين توفيق: "ما فيش حاجة اسمها خبير استراتيجي، اللي يطلع لكوا في التليفزيون يقول إسرائيل عالحدود و قطر هتشترى دمشق إعدموه"، وقالت نورا عيسى: "اوعوا تغلطوا غلطتنا .. تخلصوا من النفايات.. تخلصوا من كل بقايا النظام وأولهم الاعلاميين". وأضاف إيهاب الريس: "ما تسيبوش حد اسمه عكاشة أو سبايدر أو بكرى إعملوهم شاورما من الأول كده اللي أوله فحت آخره نور"، وقالت هديل سيد: "لو عندكم شاب سيكى ميكى اسمه سبايدر جوزوه بسرعة وستتوه فى بيت العدل بدل مايقرفكم".