أكد الإعلامى باسم يوسف – مقدم برنامج البرنامج – على أهمية دور النقد لتيار وحزب السلطة – أى حزب الحرية والعدالة الذراع السياسى لجماعة الإخوان المسلمين -، وأشار أن على من يعمل بالسياسة تحمل النقد أيان كان. قال يوسف عبر تغريدة له على "تويتر" اليوم الثلاثاء: "اللى بيشتغل فى السياسة ومستنى الناس تصقفله يشتغل في حضانة احسن مافيش إنصاف او حيادية في السياسة، دور الضحية ماعدش ينفع، والحزب اللي في السلطة على طول بيلعب دور الضحية ان الاعلام والمعارضة ضده، مافيش انصاف ولا حيادية في السياسة، ماحدش حيطبطب عليك مهما عملت". وضرب يوسف مثالاً بالأحزاب التى تتولى السطلة فى دول أخرى، قائلاً: "حزب اردوغان متبهدل في الجرايد تركيا، اوباما متبهدل في اعلام الجمهوريين زى ما بوش كان متقطع في اعلام اليسار دى سياسة مش حضانة، اتفرجوا على الديمقراطيين و الجمهوريين فى امريكا معلقين المشانق لبعض و اللي فى المعارضة واقف للسلطة ع الواحدة، مافيش انصاف في السياسة". وأضاف: "موضوع النقد البناء ده فمكانه في موضوعات الانشا. مافيش نقد بناء مافيش انصاف مافيش حيادية في السياسة، النقد البناء والانصاف والحيادية موجودين بس فى اليوتوبيا احنا مش عايشين في يوتوبيا، السياسة قذرة، لو مش عايز تتوسخ اتفرج على سبيس تونز".
