رد الرئيس عبدالفتاح السيسى على انتقادات البعض للعاصمة الإدارية: "البعض يقول هيعملوا 200 مليار جنيه فى العاصمة الإدارية بنية أساسية.. طيب أسيوط الجديدة ورشيد والمنيا الجديدة والسويس الجديدة". وأضاف "السيسي"، خلال كلمته في الندوة التثقيفية للقوات المسلحة بمناسبة يوم الشهيد، أن "اللى بيطرح الطرح ده عاوز يألمك ويوجعك ويزعلك وينغص عليك عيشتك"، موضحًا "طيب والله والله والله كل المدن الجديدة مش معمولة من موازنة الدولة.. طيب تقولولى بتعملوا ايه.. بتحفروا وتجيبوا فلوس من الأرض". وتابع: "احنا بنحول الأراضى اللى بلا قيمة إلى أراضى ذات قيمة"، مضيفًا أن الدولة بتعمل طريق فى أسيوط الجديدة ومحور لنعبر به بين النيل الغربى والشرقى، وعملنا حاجة وأراضى ونطرحها للبيع، والفلوس دى بندعم بيها الشغل، وهذا الكلام ينطبق على العلمين والمنصورة وأسيوط والمنيا، وأى حاجة كذلك. وأشار إلى أنه يحاول تحويل الأراضى محدودة القيمة إلى أراضٍ ذات قمية مرتفعة من خلال تطويرهم بما فيهم العاصمة الإدارية الجديدة، والفلوس بنعمل بيها بنية أساسية، متابعًا: "وقلت الكلام قبل ذلك وأقوله مرة أخرى". وأردف أنه "ممكن يطلع كل يوم فى التلفزيون لكشف الشائعات، بس انتوا هتزهقوا منى"، مضيفًا أنه "معندوش ملكات الإعلاميين وأنه يتحدث كمصرى إنسان منكم". وأوضح أنه "مش رئيس أنا واحد منكم، والله لأقف أنا وأنتم أمام الله أسألكم كما تسألونى وأحاسبكم كما تحاسبونى"، مؤكدًا أنه يعمل هذا لخوفه على المصريين. شاهد الفيديو..