أعلن المطرب تامر حسنى عبرحسابة الخاص بموقع التواصل الاجتماعى فيسبوك، عن تفاصيل البومه الجديد الذي يحمل عنوان "عيش بشوقك" ، وهو من المقرر طرحه فى الفترة القليلة المقبلة. وكتب قائلا: "نهاركم جميل إن شاء الله، سألتوا كتير عن ألبومي الجديد وقولتلكم إن غيابي ده عشان أعمل أفكار جديدة تليق بجمهور عظيم زيكم وتليق بمشواري وبمكانتي كمطرب مصري عربي.. الألبوم ده اخد مجهود كبير من سنتين لحد النهارده وانا كل يوم بشتغل على تطويره واصداره بشكل مش تقليدي وخارج الصندوق المعتاد الألبوم ده أنا بعتبره محطة جديده ليا في حياتي من حيث الفكر و الموسيقى والجوده وانتوا اكيد هتلاحظوا ده الفتره الجايه المهم الحمدلله بدأ خلاص العد التنازلي لإصدار الألبوم وكل يوم هيكون في جديد بتعرفوه لحد ما يطلع للنور ان شاء الله البومي القادم اسمه "عيش بشوقك" كلمات: مصطفى حسن، ألحان: بلال سرور، وتوزيع: بلال سرور وهاني محروس هي أغنيه مبهجة غير تقليديه تماماً وفيها حاله يمكن بتمس معظمنا الاغنيه من إخراج المخرج الكبير هادي الباجوري، وبكرا ان شاء الله هينزل أول ميكينج اوف لأغنية تانية من ألبومي اسمها (وانت معايا ) اللي بتجمعني بأستاذي النجم الجزائري الكبير الشاب خالد وهتشوفوا كواليس الأغنيه وكل مراحلها الكليب، للمخرج اللبناني الكبير سعيد الماروق. جدير بالذكر أن أخر أعمال تامر حسني فيلم البدلة المنتظر عرضة خلال سباق الأضحي القادم.