كلمات أحمد الحج ............................................... بص يا مصرى شايف اختك لما شرفها اداس ف الارض شفت ازاى بيهون العرض بص شويه ركذ اكتر جايز ترجع تانى تشوف جايز تقتل فيك الخوف جايز تقدر تانى تميز لما الكدب يكون مكشوف شفت العسكرى لما سحلها لما غصبها لما اغتالها شوف واتفرج واياك تحرج شفت ازاى جواك دمعت لما كرامتك بقيت تحت شفت حجابها لما اتهان عارف ليه ركز اكتر على شان عرفوا اخوها جبان لسه مصدق تانى الكدب لسه تقول الجيش والشعب صوتك ضاع من كتر الهتف ولله خساره عليك التف شفت العفه لما اتعرت طب شفت الصدر لونه كان من لون البحر ليه كشرت هو انتا زعلت دنا فكرتك مش بتحس اخص يارجل مليون اخص لساك تانى تقولى الصبر قوم يلا روح شفلك قبر اشرفلك من كلمه صبر