أعلنت مجموعة من شباب الاخوان المسلمين نزولهم ميدان التحرير للمشاركة فى المظاهرات بالمخالفة لموقف جماعة الاخوان التى رفضت النزول والمشاركة فى مليونية الانقاذ اليوم الثلاثاء. وجاء فى بيان لهم على الفيس بوك :"إخوانا الكرام :.نحن كمجموعة من شباب الإخوان منذ ما بدأت الأحداث المؤسفة في التحرير مرورا بالمجزرة البشعة التى استشهد فيها 33 شابا من أطهر شباب مصر ونحن في محاولة مستمرة لجمع معلومات وتحليل الموقف ورفع الواقع من على الأرض ، وكنا لا نعلم ماذا نفعل واخيرا قررنا سواء في القاهرة او إسكندرية او غيرهم من المحافظات ." وأضافوا:"تحليلنا للأحداث هو أولا : إدارة الحدث من جانب الحكومة او الداخلية او المجلس العسكري إدارة غير مسبوقة وتتسم بوحشية لم يسبق لها مثيل حتى ايام السفاح مبارك نفسه ثانيا : الميدان فيه شباب من كل التيارات وان كان الأغلبية غير مسيسين وكثير منهم اول مرة يشاركون في مظاهرة او اعتصام لكنهم ابطال بجد ، ولم نشاهد اي قيادة من القيادات الثورية المعروفة سواء شباب او غير شباب ثالثا : ممارسات الداخلية والجيش من ترك الأمور تتصاعد دون تهدئة لدرجة انهم يسيطرون فعلا على الميدان اكتر من مرة رابعا : حتى مساء أول أمس ( الأحد ) كنا نتمنى من جماعتنا جماعة الإخوان إعلان نزولها بشكل رسمي لكن أمس وبعد رؤيتنا للمشهد بالشكل ده بقينا مقتنعين إن نزول الإخوان وغيرهم هدف من الاستفزاز اللي بيحصل عشان تحقيق مخطط الفوضى الشاملة اللي إذا حصل الكلام مش هيكون عن انتخابات أو غيره الكلام هيكون عن انهيار شامل للبلد مش الانتخابات بس خامسا : فكرنا كتير فيما قيل عن إننا لا نريد سوى الانتخابات من اجل مصلحتنا الخاصة لكن بأمانة : إزاي حد يكون مبيفكرش غير في الانتخابات ياخد قرار يأثر تأثير ضخم على شعبيته وعلى احتمالات فوزه بأغلبية ؟ وأظن الكل لاحظ (وأحيانا شارك ) في الهجوم الرهيب على الإخوان وموجة التخوين وكم الناس اللي قررت عدم انتخابهم , ده يؤكد إن الإخوان مضطرون لأخد الموقف ده مش عشان مصالحهم الخاصة زي ما بعض الناس بتقول خاصة إنهم عارفين التمن اللي هيدفعوه في الانتخابات نتيجة الموقف ده فالبديل هوا مواجهة شاملة مش هتهدد الإنتخابات بس بل هتهدد مصر كلها من مجموعة موتورة مش فارقة معاها مصر كلها تولع عشان ميجيش اليوم اللي يتحاسبوا فيه عن جرائمهم سادسا : في النهاية دي رؤيتنا وتحليلنا اللي بنتفق فيها بشكل كبير مع موقف الجماعة الرسمي اللي قررنا إننا نلتزم بيه واللي لا نستطيع أبدا الجزم بإنه الموقف الصح بنسبة 100 % لإننا في فتنة لا يعلم مداها إلا الله , وبالنسبة للشباب اللي مصمم ينزل فبنوصيه إنه يروح بروح تهدئة الأمور مش بروح المواجهة وربنا يستر ويحفظ مصر من العصابة اللي بتحكمها".
