حاول الفنان أحمد حلمي، الاستعانة بجمهوره، بعد وصلة السباب والهجوم التي تعرض لها من الإعلامي عزمي مجاهد، الذي اتهمه بإهانة الجيش ومؤسسات الدولة. وقال "حلمي" عبر حسابه الرسمي على موقع الصور "انستجرام": "فيه بعض الأصدقاء والصحفيين كلموني وقالولي إن فيه حسابات كتيرة منتحلة شخصيتي وحاطين صورتي واسمي.. وطلبوا مني أرد على الأكاونتات المزيفة دي لأنهم بيتكلموا بلساني.. والناس بتصدق وبعض الناس بتشتم من غير حتى ما يتأكدوا إذا كانت الأكونتات دي بتاعتي فعلا ولا لأ". وتابع "أرجوكم أي حد يقابل في وشه أي أكونت يحمل اسمي أو صورتي ياريت يتأكد أنه حقيقي قبل ما يتعامل معاه.. وللعلم أنا معنديش أكونتات خالص مش مؤكدة.. كلها مؤكدة بعلامة الصح الزرقاء.. الخدمة بقى اللي أنا طالبها منكم إن أي حد يشوف أي اكونت منتحل اسمي وصورتي علي "فيس بوك" أو تويتر أو انستجرام إنه يعمل معاه الصح وطبعا الصح إللي أنا أقصده أنه ينصحه ويقوله كدة عيب".