أكد الفنان مصطفى كامل أن زميله الفنان إيمان البحر درويش، يعرف السر وراء توقفه عن العزف، ومع ذلك ظل يتحدث في جميع وسائل الإعلام حول أن نقيب الموسيقيين يجب أن يكون قادرا على العزف على آلة موسيقية. وقال خلال لقائه مع الإعلامية "رغدة شلهوب" ببرنامج "100 سؤال" المذاع على فضائية "الحياة": "في سر مش كتير بيعرفوه وكمان هو دايما كان بيهاجمني بيه، أنا كنت بلعب أورج لحد ما والدي اتوفى في 96، كسرت زجاج غرفة العناية المركزية فسببت عاهة مستديمة في إصبعي وبقيت الحن سماعي، ومبحبش الناس تعرف الموضوع ده". وأضاف "إيمان البحر درويش كان بيقول أن الموسيقي لازم يكون بيعرف يعزف على آلة موسيقية"، ولم يستطع "مصطفى" تمالك نفسه، وبكى على الهواء. وتابع "القصة أنه مش بحبب أقول مبرر، بس أحب أقول لإيمان البحر درويش أنا سيدك ومطربين مصر بالنقيب الموجود دلوقتي عارفين أني صنايعي شاطر، أنت عملت 70 غنوة محدش سمع منهم حاجة .. مش لازم أطلع أقول نقطة ضعفي ودي أول مرة أطلع أدافع عن نفسي". الفيديو..