كشفت الفنانة منة شلبي عن كواليس جديدة لثاني أعمالها السينمائية وهو فيلم "الساحر" والتي أثارت جدلاً واسعًا بسبب جرأتها المبالغ فيها. وقالت خلال لقائها مع الإعلامية "إسعاد يونس" ببرنامج "صاحبة السعادة" المذاع على فضائية "سي بي سي": "مكنتش أعرف أي حاجة عن السينما وقتها ولا تصوير الفيلم، وكنت ساذجة فنية جدًا، ومع الوقت بقى عندي خبرة .. والمخرج الأستاذ رضوان الكاشف هو اللي كان بيقولي اعمل ايه". وأضافت "الاستاذ رضوان هو اللي علمني كل حاجة، وانا بتكسف جدًا، ومكنتش متوقعة اني هعرف امثل، وامي هي اللي قالتلي اني همثل". وتابعت "امي قالتلى هبقى ممثلة من كتر ما كنت بكدب عليها علشان مروحش المدرسة، وقالتلي اعملي حاجة تفيدك بدل ما انتى بتكدبي عليا طول الوقت، وفي الاثناء ده قابلت الاستاذ محمود عبد العزيز وكان بيدور على بنت تعمل فيلم الساحر". واستطردت قائلة "الاستاذ رضوان علمني كل حاجة للفيلم، وقالي اني لازم ممثلش، وشكل تكويني كممثلة في فيلم الساحر، وهو اللى عمل مني ممثلة، وكان بيقولي اعمل ايه بالظبط، انا مكنتش عارفة حاجة في الساحر". وأضافت "اللى خلاني اطلع كده في الساحر هو محمود عبد العزيز، بسبب قامته الفنية الكبيرة، كنت خايفة منه جدًا، فده خلاني اهاجم". الفيديو..