دخلت فاطمة فتحي، والدة الشهيد الرائد محمد فاروق، معاون مباحث قسم كرداسة، في نوبة من البكاء على الهواء، بعد قبول الطعن المقدم من 149 متهما صادرة ضدهم أحكام بالإعدام في القضية المعروفة إعلاميًا ب "مذبحة كرداسة". وقالت خلال اتصال هاتفي مع الإعلامي أحمد موسى، ببرنامج "على مسئوليتي" المذاع على فضائية "صدى البلد": "أنت مش عارف تقولي أيه، وأنا مش عارفة أقول أيه للبلد، علشان هما مش حاسين بينا، لو حد منهم ليه ابن حصل معاه زي اللي حصل مع أمهات كرداسة". وأضافت: "يا محكمة النقض أنتوا شوفتوا كل حاجة صوت وصورة، دم ابني بقاله سنتين ونص، ومش عارفة أعمل أيه، خلاص عمري هينتهي، حسبي الله ونعم الوكيل، إحنا بلد مرتعشة، خايفين من أيه، أهلي كلهم هينزلوا يجيبوا دم محمد وخلي البلد تشرب". وتابعت: "عايزة أقابل رئيس الجمهورية، كأن محمد استشهد النهاردة، بوصي كل ظباط الشرطة بقولهم متحزنوش أمهاتكوا حقكوا مش هيجي، هشتكيهم لربنا كل المسئولين، وهقوله يوم القيامة مجبوش حق ابني .. ربنا ينتقم منهم كلهم ويدوقهم اللى أنا عايشاه، الفيديو..