أكدت الناشطة والإعلامية نوارة نجم عبر حسابها الشخصي على موقع التواصل الاجتماعي "تويتر" اليوم الأربعاء، إن برنامجها "جبهة التهييس الشعبية" الذي يذاع على قناة التحرير الفضائية لم يمنع من العرض لأسباب رقابية. حيث قالت: "ملحوظة بالنسبة لبرنامجي في التحرير عشان أنا ملاحظة إن القصص والخيالات اشتغلت، أحمد أبو هيبة مدير القناة ابتدا يزعق لي عشان كسلانة ومش باشتغل، ماحدش مانعني من الظهور مش ممكن الخيال الواسع ده، حيمنعوني ليه؟؟..الناس عمالين يتحايلوا عليا عشان ابتدي بس أنا اللي كسلانة". وأكدت نجم أن عدم ظهور البرنامج ليس له علاقة بالكاتب الصحفي إبراهيم عيسى بصفته من مؤسسي القناة، قائلة:" بلاش الناس تسارع على الاتهام كده وتتهموا الكويس والوحش، إبراهيم عيسى حيمنعني من الظهور ليه؟ انتوا ما بتفتكروش الخير للناس أبدا كده؟ مش ده اللي نزل يوم 25 من أول يوم كان مع الناس ونزل يوم 28 وانضرب، كل ما تختلفوا مع بني ادم تتهموه في ذمته؟ وتابعت نجم دفاعها عن عيسى قائلة:"لما أشهد بالحق يقولوا بتدافعي عنه ليه، مش ده إبراهيم عيسى اللي وقف جنب الإخوان أيام مبارك واتهموه إنه بياخد فلوس منهم ودلوقت الإخوان بيشتموه!!".