أكد الإعلامي عمرو أديب أن سبب منع ظهور الإعلامي والنائب البرلماني توفيق عكاشة على شاشات الفضايات وإيقاف برنامجه "مصر اليوم" المذاع على فضائية الفراعين لمدة 6 أشهر لا يعود لخرقه ميثاق الشرف الإعلامي. وقال خلال برنامجه "القاهرة اليوم" المذاع على فضائية "اليوم": "الدولة وجهت رسالة لعكاشة بالقرار ده مفاده لا يا بابا كخ كده مينفعش تهزر معانا .. هو زودها فالدولة قالتله اقعد في حتة ناشفة العته والكلام عن الاجهزة السيادية لا". وتابع "انت مش معارض .. انت بتقرر تروح فين وامتى واحنا قاعدين بنضحك، هو فاكر نفسه الوحيد اللي بيفهم وبيفسر الانجيل والتوراه والقران كل يوم، ومعاه مذيعة يا عيني بالاربع ساعات الكاميرا مبتجيش عليها هو مانع ده .. وبيقول الحقوني يا جماعة ده انت كنت عايش في الهولبس". وأضاف "انت اعترفت ان الدولة اوقفت التمويل الاماراتي للقناة بتاعتك .. ومش عاجبك سيدك عدلي منصور القاضى يبقى رئيس للبرلمان، انت عار علينا كلنا". الفيديو..