الكمية تكفي: 6 أشخاص وقت التحضير: 30 دقيقة وقت الطهي: 30 دقيقة المقادير: عدد من حبات البطاطس المتوسطة الطويلة لحم مفروم معصج او قطع صغيرة فراخ بانية ناضجة او تونة مخلل خيار جزر زيتون جبنة موتزاريلا او شيدر او رومي طماطم وبصل مقطعين صغير شوية لبن ملح وفلفل التحضير: هناخد حبات البطاطس نغسلها كويس وندخلها الفرن تستوي حوالي ساعة من غير مانفتحها ولا نخدش قشرها خاااالص هنيجي بالراااااااااحة خالص نقطعها بالطول بس من غير مانفصل البطاطساية عن بعضها ونيجي بالمعلقة بالراااااحة برضو نحاول نفصل البطاطس عن القشرة ونحاول منبوظش القشرة ونحافظ عليها سليمة وبالشوكة نطلع قلب البطاطس كدة بحنييية ونفصله عن القشرة الطبخ: انا هنا استخدمت الفراخ...جبت البانيه قطعته صغير وشوحت بصلة صغيرة مع فص ثوم في حتة زبدة وعليهم الفراخ تستوي براحتها وبهرتها وبعدين نشيل قلب البطاطس نحطه في طبق اخدت البطاطس اضفت عليها شوية لبن عشان ينعمه وكمان المخلل والزيتون والملح والفلفل ورشة حبهان بودرة وقطع جبنة رومي صغيرة كمان اضفت طماطم وبصل وقطعة زبدة بتدي البطاطس طعم روووووعة نرجع الحشوة دي كلها للبطاطس تاااني وناخد بالنا مالقشرة ونضيف عالوش الجبنة الموتزاريلا عشان ندخلها الفرن تسيح طعمها تحففففففة ورووعة وهي دافية لازم تتااكل دافية طبعااا...