كشف ناشط سعودى (لم يتم ذكر إسمه) نظرًا للتشديد الأمنى والتعهدات التى تم إمضائها بمقرات الأمن بالمملكة قبيل صدور قرار مقاطعة قطر وهى بعدم الحديث عن الأزمة أو الكتابة عنها بأى شكل أى كان، مؤكدًا أن بلاده فى ورطة كبيرة بسبب مقاطعة الشقيقة قطر. ولخص الناشط ملامح الورطة التي وضعت السعودية نفسها فيها بعد الانقلاب المفاجئ على قطر؛ حيث أشار إلى أنه تم استدعاء نحو 500 شخصية متوقع أن تدلي برأيها في الحرب الإعلامية والاقتصادية التي تقودها السعودية والإمارات ضد قطر.
وشبه الناشط السعودي -في رسالة نقلها الإعلامي المصري محمد طلبة رضوان- ما حدث في السعودية مؤخرا بما حدث في مصر خلال انقلاب يوليو 2013. حيث سقطت أقلام وأصوات كان من المتوقع أن ترفض تلك الإجراءات، إلا أنها باعت مبادئها بكل سهولة " والإمارات تدفع جيدا".
مؤكدا أن قطر لن تتأثر بالمقاطعة، بالتخفف من القيود التي كانت تراعيها قطر في التعامل مع السعودية.
وفيما يلي نص الرسالة كما أوردها "طُلبة" على صفحته بموقع فيسبوك.
- احنا بقينا والحمد لله ننافس الإعلام المصري السيساوي، نفس السفالة والغباء والانحطاط .. الفرق بس ان الإعلام المصري دمه خفيف فبتستمتع شوية وانتا بتشوف
- اللي جرى اليومين دول بالخليج شبيه باللي جرا بمصر بفترة 30 يونيو وما بعدها .. بتتفاجئ بناس كنت بتظنها محترمة وعندها حد أدنى من المبادئ، لكن بتكتشف انهم كانوا مستنين الفرصة بس علشان يبيعوا ذمتهم ويردحوا .. والإماراتيين بيدفعوا كويس على فكرة للي عاوز يبيع
- الأمن استدعى اكثر من 500 واحد وحقق معاهم وهددوهم وطلبوا منهم يسكتوا او سيتم اعتقالهم .. علشان كده الشخصيات المستقلة ساكتة .. احنا بقينا بنافس كويا الشمالية والحمدلله بس من غير قنبلة نووية
- الوضع بقى لا يطاق، التحريض الإعلامي والرسمي على قطر والقطريين كان بمنتهى السفالة .. والقطريين بصراحة كان تعاملهم كان بمنتهى الأخلاق والمهنية
- سياسياً الإمارات والسعودية استنفذت كل وسائل الضغط سريعاً، فعلوا كل ما يمكن فعله ورموا بجميع أوراقهم .. والعمل العسكري والاجتياح احتماليتها صفر في المية حتى من قبل ما ييجو الاتراك .. طيب ياجماعة، قطر دلوقتي ولا عبرتكم ونسبة استجابتها للضغوط كمان صفر بالمية، وبنفس الوقت هي تحررت من قيود سابقة كانت فيها مضطرة فيها تجامل السعودية وتسايرها ببعض المواقف والقرارات، ودلوقتي هي بقت اكثر استقلالية وممكن حتى تشغل عليكو قناة الجزيرة وتفتح بعض ملفات الفساد والظلم المتلتلة في السعودية والإمارات .. كسبتوا ايه بقى من الحملة دي؟!
على فكرة في قوانين الحارة المصرية العريقة لما البلطجي بيزعج لشاب صغير ويطلع المطوا ويهدد ويتوعد، بعدين بيلاقي الشاب الصغير واقف قدامه بشجاعة ومش خايف وبيقوله طز فيك ولو راجل اعمل حاجة .. في الحالة دي لو البلطجي سكت ومعملش حاجة فهو كده هيبقى مسخرة الحارة وبق كبير ومجرد أرجوز .. اتعلموا من الحارة المصرية ياجماعة وكفاية المسخرة اللي انتو فيها
- الشعبين القطري والسعودي هما امتداد لنفس القبائل والعوائل ونسبة الزواجات بينهم مرتفعة .. وكان من اسباب تهدئة الحكومة القطرية تجاه السعودية في السنين السابقة وحرصها على العلاقة الكويسة معها ان الشعب القطري رافض لأي تصعيد مع السعودية وكان بيستاء لما يكون فيه اي خلاف سعودي قطري .. دلوقتي الإعلام السعودي العظيم اشتغل عشرة أيام بحالها شتم واتهام وبذاءه تجاه قطر والقطريين، وبعدها تم أخذ قرارات بمنتهى السفالة وقلة الاحترام مثل طرد القطريين من السعودية وحتى المعتمرين القطريين اللي كانوا وقتها في مكة تكدسو في مطار جدة ومش عارفين يرجعوا لأن السعودية بلحظة رفضت قدوم اي طائرات قطرية! .. (القصة دي على فكرة حتى كفار قريش معملوهاش وكانوا بيحترموا زوار البيت الحرام!) .. النتيجة انهم قاموا بعملية شحن نفسي رهيب للقطرين علشان يكرهوا السعودية ويتشددوا سياسياً تجاهها ويلتفوا اكثر مع حكومتهم مهما بلغت درجة مواجهتها للقرارات وتصعيدها .. أكيد اللي خططوا للحملة كانوا مخترقين لأنه مش ممكن يكونوا بالغباء ده .. طبعاً لا مخترقين ولا حاجة، هما اغبيا كده دايماً ودي من نعمة ربنا علينا
- اقتصادياً الخسائر القطرية محدودة، فهي بلد غني ومش محتاج للخليج بحاجة (بالعكس الإمارات والبحرين معتمدين على الغاز القطري). وبالنسبة لقطر قصة توفير بدائل للبضائع والمواد الغذائية القادمة برا عبر السعودية أمرها سهل عبر البحر (المورد هو اللي بيخسر لانه مش هيعرف يبيع، اما المستورد فممكن يشتري من أي سوق آخر)، وأصلاً القطريين كانوا مستعدين لموقف زي ده - من بعد ازمة 2014 - فكان عندهم مخزون بيكفي سنة .. يعني حتى فكرة الضغط الاقتصادي طلعت خازوق .. مخترقين ياجماعة مفيش كلام.
