كتبت : سهى عبد السيداشتعلت منافسه كوته المرأه فى شمال شرق القاهرة فعرضت المرشحه عزة سليمان مرشحه لعضويه مجلس الشعب 2010 مستقل البرنامج الانتخابى الخاص بها .وكانت من اولويتها إحياء روح مصر وذلك عن طريق تدريس تاريخنا المصري لأولادنا في جميع مراحل التعليم باعتباره أهم من اي تاريخ آخر غير مصري , مع التركيز على فترات الأزمات والنهضة والحضارة , والعمل على تشجيع كل اللي يساعد على إحياء الروح المصرية المستقلة حتى اسم الدولة الرسمي نفسه ممكن نراجعه عشان يبقى مصر فقط زي ما ذكر في كل الأديان باسمها المصري القديم من آلاف السنين مصر ,وتحسين المستوى الاجتماعى للشباب حتى يستطيع تكون نفسه ويقدر يتجوز.وقالت هاقدم مشروع لوزارتي الرى والزراعة , مدروس من 30 سنة ، يخلي مصر أغنى دول المنطقة خلال 50 سنة , المشروع ده يجمع بين تطوير الرى فى الأرض القديمة , ومحور التعمير فى الصحراء الغربية , المشروع ده وغيره هيرفع دخل أولادنا خلال جيل أو جيلين بالكتير ويخليهم يسكنوا ويتجوزوا ويحوشوا من مرتبهم .بالإضافه ان لابد من سن التشريعات اللازمة لتقليل الفوارق الكبيرة اللي ظهرت مؤخرا بين طبقات المجتمع المصري وتهدد استقراره ، ولنبدأ بالجهاز الحكومي اللي بيصل فيه أعلى دخل الى 1000 ضعف من أقل دخل عشان يزيد عن 5 أضعاف اقل دخل كما هو الحال في الدول المتقدمة ، وده هيزود نسبة الطبقة الوسطى في المجتمع اللي هي صمام الأمان ومصدر الأبداع ومنجم العباقرة في كل المجتمعات .والعمل على تحديث العقل المصرى وذلك عن طريق تزويد مصروف التعليم من حصالة الدولة وتطوير علومنا بعلوم اللي سبقونا أوروبا ، امريكا ، اليابان .و منع دعاة التعصب الديني من الطرفين من نشر فكرهم المتخلف ومحاولة شق وحدة المصريين من استغلال منابر الاعلام واساءة استعمال الدين للتأثير على المصريين الطيبين ومنعهم من نشر سموهم في عقول أولادنا.يطلب مجلس الشعب من التليفزيون المصري توفير أوقات كافية لرفع مستوى الثقافة والمعارف من جميع أنحاء العالم المتقدم لردم الهوة الزمنية بين شعبنا وشعوب العالم الأول.ولابد من استرداد كرمتنا آن الآوان ان نسترد احنا المصريين كرامتنا جوه مصر وبراها ، ماهو ماينفعش نبقى مصريين ونتهان .لابد من تشكيل لجنة مستقلة تتبع مجلس الشعب مباشرة تتلقى شكاوى اي مصري من أهانة أو سوء معاملة من الحكومة والشرطة ويحيلها لنائب الدائرة يتولى متابعتها لغاية مايرد للشاكي كرامته في حالة صحة دعواة.تقديم مشروع قانون للمعاملة بالمثل مع رعايا جميع دول العالم زي مابيعلومنا عندهم. الفخر بمصريتنا ، مااحنا لما نعرف تاريخنا المصري عن حق هنعرف احنا مين وهنفتخر بنفسنا وبمصريتنا.