قول يا قلم احكي عن .. التاريخ و الحضارة عن مصر .. فجر الضمير احكي عن قناة في اراضينا حفرناها بايدينا و حكاية الشعب اللي بني السد عن عروس النيل و جبل الطور و ارض الفيروز قول يا قلم .. احكي عن الابطال عن رمسيس و احمس و مينا عن اللي صحي الشرق وديانه و جباله عن اللي قال للرجال عدو القنال وعن اللي زرعوا سنابل القمح في وادينا احكي عن اللي باع الارض و التاريخ و العرض و عن اللي شالوا القمر من ليالينا قول يا قلم .. احكي عن بحر البقر عن حرب الاستنزاف عن الرجال السمر الشداد عن حائط الصواريخ احكي عن العبور قول يا قلم .. احكي عن الحكومة الذكية عن المغارة و الف علي بابا عن الغربة و قسوتها عن المر و الصبر عن سكان القصور و اللي عايشين وسط القبور قول يا قلم .. عن البيضة و اللي سلقها عن اللي قشرها عن اللي وسعوا ليه السكة عشان يبلعها قول يا قلم .. قول قول يا قلم عن ثورة المصريين قول يا قلم من غير خوف و لا ندم