فلان : مش إحنا في كل عيد بنحتفل بيه لنا أكلة؟ علان : وماله الناس فرحانة وعايزة تهيّص. فلان : يا سيدي ربنا يفرحهم كمان وكمان.. لكن أنا مش فاهم إيه العلاقة بين عيد الفطر والكحك. وعيد الأضحي واللحمة. وعيد شم النسيم بالفسيخ.. وعاشورة بالبليلة وعيد العلم بالبدنجان! علان : نعم نعم.. علم وبدنجان.. جبتها منين دي! فلان : من عادل إمام !! علان : طيب لو سألتك إيه الأكلة اللي ممكن ترتبط بعيد الثورة؟ فلان : ثورة يوليو .. ولا قصدك ثورة يناير؟ علان : وهو فيه فرق؟! فلان : طبعا ثورة يوليو يلزمها "بقلاوة" عشان تناسب الموضة علي أيامها. علان : وثورة يناير؟! فلان : أكلتها اللي اختارها لها مبارك "الكنتاكي".. واللي اسم الدلع بتاعها "جبنة قديمة"!! ابن البلد