طلبت الهداية طلبت الهداية ياربي.. نولني منايا وطلبي وافتح لي بيبان الرحمة.. ونور بفضلك قلبي *** طلبت الهداية اهديني.. واحلي العطايا اعطيني بذكرك لساني يسبح.. وبشكرك تغمض عيني وافتح لي بيبان الرحمة.. ونور بفضلك قلبي *** طلبت الهداية يا هادي.. يا سامع ندايا بنادي ويوم القيامة الجنة.. اشوفها بعنية قصادي وافتح لي بيبان الرحمة.. ونور بفضلك قلبي سعيد إبراهيم سالم يا مصر يا مصر إنتي كل شيء في حياتي إنتي يا مصر إنتي اللي بعيش طول عمري ليها وانتي حبيبتي اللي روحي نيل يرويها وانتي مرايتي اللي باشوف أنا نفسي فيها وانتي عصايتي اللي بتحميني واحميها وانا حكايتي اللي بصوت عالي باحكيها وانا ف طفولتي أرضك شالتني ف عينيها ولدلوقتي مازلت إيدي ف إيديها وانتي مازلتي أمي اللي باتباهي بيها يا مصر انتي كل شيء في حياتي انتي أحمد جعفر صرخة طفل لقيط ما بين جدار الملاجئ لقيت لي أب جديد وأمهات ع الورق مش لي بالتحديد وأخوات كتير بتلاعبني عايزيني أبقي سعيد وقلوب بتعطف علينا علي كترها بتزيد **** أهالينا قسوة قلوبهم ذلتنا واحنا صغار داروا الجريمة بعذابنا ومخبيين أسرار ما همهم أيه حياتنا ريشة في مهب اعصار أهالينا يا كترهم لكن ما نعرف دار **** في الليل تنام الخلايق وعيوني ما بتنام بأحلم بماما في حضني وتدفيني الأنسام وبابا يعطف عليه وبجد مش بكلام لكن ما غفلت عيوني ولا شفتهم في احلام **** من صغر سني ما عارف لي أب وأم لا ليه صدر احتمي به ولا ليه خال أو عم في الدنيا عايش وحيد بين الآلام والهم وعيوني جفت دموعها ونزل بدلها دم **** يارب حنن قلوب كل البشر لينا وارحمنا من ذلنا من ضعفنا احمينا ما نشوف ضنا في عمرنا ولا ظلم أهالينا ونكون ككل البشر في اسرة بتأوينا زجل د. صبري إسماعيل