ارتعشت ايديه وهو بيسند علي سور البلكونه الشارع هادي مافيهوش غير عربيات مركونه جنب الرصيف وقطط نايمه جنب الدكان وشبح بيجري ورا ورقة جرنان كل مايلحقها يطيرها الهوا منه حس بالبرد فقفل الباب وشغل الراديو كان نفسه يشرب كوباية شاي بس الوقت اتأخر والكحه اللي بقالها يومين ماسكاه وبترج حيطان الوحده اللي محاوطاه خلت جاره ف الاوضه التانيه مش قادر ينام فنقر بصوابعه علي الحيطه اللي مابينهم قفل الراديو وهو في طريقه لزرار النور حاول يكتم الكحه وقرر يكتب ورقه يحطها تحت الهدوم يقول فيها يتصلوا بمين لو ماصحيش