* "إنا لله وإنا اليه راجعون".. لقد توفي إلي رحمة الله تعالي بعد صراع طويل مع المرض فقيد الشباب الحزب الوطني الديمقراطي بعد عمر يناهز 34 عاما وتم تشييع الجنازة من المحكمة الادارية العليا والعزاء من سجن طره وتم الدفن بمقابر "البؤساء" بمدينة "النسيان"!! * مبارك يشكو لزوجته: شايفه يا سوزان البهدله اللي أنا فيها.. هما "نسيوا العشرة"!! أنا حسني مبارك!! أنا القائد الأعلي للشرطة والقضاة!! معقول اللي بيحصل ده.. مش معقول!! مش معقول!! سوزان: ماتزعلش يا حسني.. كلهم عارفين إنك صاحب الضربة الجوية وبطل الحرب والسلام والقائد الأعلي للثورة المضادة والفساد كمان!! * جاء اعرابي يسأل عن سيدنا عمر بن الخطاب رضي الله عنه فأشاروا إليه بأنه الرجل الذي ينام تحت ظل الشجرة فذهب اليه فوجده مستغرقا في النوم دون حراسة أمنية فقال الرجل قولته الشهيرة: حكمت فعدلت فأمنت فنمت يا عمر. ونحن نقول للرئيس السابق "حكمت فظلمت وطغيت فأفسدت وسرقت فسجنت يا حسني" * كل فرد من النظام السابق المحبوسون حاليا علي ذمة التحقيق يمتلك "5" فيللات و10 شقق وزنزانة واحدة!! * لازم الحكومة تعمل حاجة علشان تشغل مئات الآلاف من العمالة باليومية والذين اصبحوا عاطلين.. البلد ماشيه دلوقتي علي عكاز واذا ما لحقناش نفسنا العكاز هاينكسر. * إذا كنت مسئولا في موقع وأردت ان تتعلم اصول السرقة وازاي تهبش وتهبر قرشين.. روح سجن طرة. * سؤال: ما هي أهم اسباب قيام الثورة؟ ** الاجابة "الثروة" * فزورة: ماسورة مجاري كبيرة خرجت منها الصراصير والفئران الصاحية والميتة والريحة المعفنة اللي من كترها هاتخنقنا.. يا تري مين اللي فجرها؟ ** الإجابة: ثورة 25 يناير